قاراعاندىدا پوليسەيلەر ورتەنىپ جاتقان پاتەردەن ايەلدى بالاسىمەن قۇتقارىپ قالدى
«ج پ ق ەكيپاجىنا قاراعاندىنىڭ 17- شاعىن اۋدانداعى پاتەرلەردىڭ ءبىرى ورتەنىپ جاتقاندىعى تۋرالى حابارلاما ءتۇستى. قۇرامىندا ۆزۆود كومانديرىنىڭ ورىنباسارى پوليتسيا اعا لەيتەنانتى اسەت احمەتوۆ، پوليتسيا سەرجانتى ەرسىن ابىكەيەۆ، پوليتسيا كىشى سەرجانتى ەرجان وڭعارباي بار اۆتوپاترۋل وقيعا ورنىنا شۇعىل جەتتى.
پوليتسەيلەر، ەسىكتى سىندىرىپ كوك تۇتىنگە ورانعان ۇيگە كىرىپ، ءيىس تيگەن ايەل مەن ونىڭ بەس جاسار قىزىن امان الىپ شىقتى»، - دەلىنگەن حابارلامادا.
قۇتقارىلعانداردى پوليتسەيلەر جەدەل جاردەم دارىگەرلەرىنە تاپسىردى. ءورت سوندىرۋشىلەر ءتىلسىز جاۋدى اۋىزدىقتادى.
«ايەل توسەك- ورنىن جۋىپ كەپتىرگىشكە ىلەدى، تەزىرەك كەپتىرۋ ءۇشىن استىنا جىلىتقىش قويادى. زاتتىڭ ءبىرى اسپاپقا ءتۇسىپ، ءورتتىڭ شىعۋىنا سەبەپ بولعان. بۇل ۋاقىتتا ءۇي يەسى مەن قىزى ۇيىقتاپ جاتقان»، - دەپ ءتۇسىندىردى ءى ءى د باسپا ءسوز قىزمەتىنەن.
