عالىمدار سۋدى تازارتۋ ءۇشىن پايدالانۋعا بولاتىن جاڭا باكتەريالاردى تاپتى
بيوورگانيكالىق حيميانىڭ تىنىق مۇحيتى ينستيتۋتىنىڭ قىزمەتكەرلەرى اۆستراليا، جاڭا زەلانديا، فرانسيا، يسپانيا مەن جاپونيا عالىمدارىمەن بىرگە چاجما ايلاعىندا تەڭىز سۋىن زەرتتەگەن. سول كەزدە باكتەريانىڭ جاڭا ءتۇرى انىقتالعان.
جاڭا باكتەريالارعا Marinobacter salaries, Marinobacter similis دەگەن اتاۋ بەرىلدى. بۇل باكتەريالاردىڭ ەرەكشەلىگى - سينتەتيكالىق جۋۋ قۇرالدارى مەن كەيبىر دارىلىك زاتتاردى وندىرۋدە كەڭىنەن قولدانىلاتىن دەتەرگەنتتەردى بۇزا الاتىن قاسيەتى بار.
«دەتەرگەنتتەردىڭ مولەكۋلالارىن بۇزۋ وڭاي ەمەس، ال ولاردى سۋ قويمالارىنا تاستاۋ كوبىنە سۋدىڭ «گۇلدەنۋىنە» اكەلەدى. ول سۋدى پايدالانۋ شارتتارىنىڭ بۇزىلۋى مەن حالىق دەنساۋلىعىنىڭ ناشارلاۋىنا اكەپ سوعادى»، - دەلىنگەن حابارلامادا.
الداعى ۋاقىتتا تەڭىز باكتەريالارىنىڭ جاڭا ءتۇرى اعىندى سۋلاردى تازارتۋ ءۇشىن قولدانۋىلۋى مۇمكىن.
