اۋىل شارۋاشىلىعى ءمينيسترى الەمدىك قاۋىمداستىق الدىنداعى ەڭ زور ماسەلەنى ايتتى
ەسكە سالساق، جيىندا «ازىق-تۇلىك قاۋىپسىزدىگى جونىندەگى يسلام ۇيىمىنىڭ جارعىسىن راتيفيكاتسيالاۋ تۋرالى» زاڭ جوباسى ماقۇلدانعان بولاتىن.
«بولجانىپ وتىرعان حالىق سانىنىڭ ارتۋى، ۋربانيزاتسيا جانە ازىق-تۇلىكتى تۇتىنۋ داعدىلارىنىڭ وزگەرۋى - ازىق-تۇلىك قاۋىپسىزدىگىنىڭ وزەكتىلىگىن ودان سايىن ارتتىرىپ وتىر. بۇنى الەمدەگى جاعداي دا كورسەتەدى. بىرىككەن ۇلتتىق ۇيىمىنا قاراستى ازىق-تۇلىك جانە اۋىل شارۋاشىلىعى ۇيىمىنىڭ مالىمەتتەرىنە قاراعاندا، 2050 - جىلعا قاراي جەر شارىنداعى حالىق سانى 9 ميلليارد ادامنان اسادى. وسى عاسىردىڭ سوڭىنا دەيىن حالىق ءوسىمى جالعاسا بەرەدى. مۇنىڭ باسىم بولىگى دامۋشى ەلدەرگە، سونىڭ ىشىندە يسلام ىنتىماقتاستىعى ۇيىمىنا مۇشە ەلدەرگە تيەسىلى»، - دەيدى اسىلجان مامىتبەكوۆ.
ونىڭ ايتۋىنشا، تابيعي رەسۋرستاردىڭ ناشارلاۋى جانە اۋىل شارۋاشىلىعى رەسۋرستارىنا دەگەن باسەكەلەستىكتىڭ كۇشەيۋ جاعدايىندا ازىق-تۇلىك قاۋىپسىزدىگى ءالى دە ۇزاق ۋاقىت بويى الەمدىك قاۋىمداستىق الدىنداعى ەڭ زور ماسەلەنىڭ ءبىرى بولىپ تابىلادى.
