شىمكەنتتىك پوليتسيانىڭ جوعالتىپ العان اۆتوماتى تابىلدى
ول 30 پاترونى بار اۆتوماتتى بەلگىسىز بىرەۋلەر كاۋاپحانا اسحاناسىنا اكەلىپ تاستاعانىن ايتتى. "كافە جۇمىسشىلارىنىڭ ايتۋىنشا، وقيعا كەشكىسىن بولدى.
كاۋاپشى بىرەۋدىڭ تەرەزەدەن ىشكە اۆتوماتتى لاقتىرىپ جىبەرگەنىن كورگەن. ول قارۋدى جەرتولەگە جاسىرعان، كەيىن بىرەۋ اباي اۋداندىق ىشكى ىستەر بولىمىنە حابارلاسىپ، تابىلعان زات تۋرالى ايتقان"، - دەدى ءايتىموۆ.
قازىر قۇقىق قورعاۋ ورگاندارى كاۋاپشىنىڭ اۆتوماتتى نەگە جاسىرعانىن انىقتاپ جاتىر. پوليتسياعا قوڭىراۋ شالعان ادامنىڭ كىم ەكەنى تەرگەۋ مۇددەسىنە بايلانىستى جاريا ەتىلمەي وتىر.
ايتا كەتەيىك، بۇل كافە اسحاناسىنىڭ تەرەزەسىنە قارۋدى تاستاپ جىبەرۋ ءۇشىن ادامعا بيىك دۋالدان سەكىرىپ وتۋگە تۋرا كەلەدى، ونىڭ ۇستىنە، تەرەزەنىڭ دەكوراتيۆتى تورى بار.
ەسكە سالايىق، شىمكەنتتىك سەرجانتتىڭ اۆتوماتى 24 - قىركۇيەكتە جوعالىپ كەتتى. ول كافەلەردىڭ بىرىنەن تۇسكى اس ىشپەك بولعان، قارۋىن دوسىنىڭ ماشيناسىنا قالدىرعان. تۇسكى استان ورالعان كەزدە كولىكتەن اۆتوماتتى تاپپاي قالادى. بۇل دەرەك بويىنشا "ۇرلىق" جانە "سالاقتىق" باپتارىمەن ەكى قىلمىستىق ءىس قوزعالدى.
ورگاندا ەكى جىل قىزمەت ىستەگەن سەرجانت جۇمىستان شىعارىلدى. قالادا ق ر ءى ءى م-نىڭ ارنايى كوميسسياسى جۇمىس ىستەپ جاتىر.
