جاپونيالىقتاردىڭ اپاتقا ۇشىراۋىنا كىنالى ەكى تراكتورشى سوتتالدى
بۇل جول-كولىك وقيعاسىنىڭ سالدارىنان جاپونيانىڭ ەكى ازاماتى مەن الماتى وبلىسىنىڭ ءبىر تۇرعىنى قايتىس بولعان ەدى، - دەپ حابارلايدى Tengrinews.kz ءتىلشىسى سوت زالىنان.
قاراعاندى وبلىسى شەت اۋداندىق سوتى اق وي اۋىلىنىڭ ەكى تراكتورشىسىنا ۇكىم شىعاردى، ولار گاباريتتىك شامدارىن جاقپاستان جول بويىندا ءبىر-ءبىرىن سۇيرەپ ءجۇرىپ، جول-كولىك وقيعاسىن تۋعىزدى ايىپتالدى.
"ابايسىزدا ەكى نە ودان دا كوپ ادامنىڭ ولىمىنە سوقتىرعان جول ەرەجەسىن بۇزۋ" بابىمەن ايىپتالعان تراكتورشىلاردىڭ ءارقايسىسى التى جىل جازادان ارقالادى.
"سوتتالۋشىلاردىڭ بۇرىن قىلمىستىق جاۋاپكەرشىلىككە تارتىلماعانىن جانە قىلمىستىڭ قاساقانا جاسالماعانىن ەسكەرىپ، سوت ولار جازالارىن قونىس-كولونيالاردى وتەۋى ءتيىس دەپ شەشتى"، - دەيدى سۋديا ەرلان ۇشبايەۆ.
تراكتورشىلار جول-كولىك وقيعاسىن تۋعىزدى دەگەن ايىپتى مويىندامادى، ولار تاس جول بويىندا ەلەكتر جارىعىن اكىمدىك ورناتۋى ءتيىس دەپ وتىر. سونىمەن بىرگە، ولار Toyota-نىڭ تراكتورلارعا قاتتى جىلدامدىقپەن كەلىپ سوعىلعانىن، سونىڭ سالدارىنان ەكى تراكتوردىڭ دا جول جيەگىنە اۋىپ كەتكەنىن ايتتى.
سوتتالۋشىلاردىڭ ادۆوكاتى دا ءوز كليەنتتەرىنىڭ كىناسىز ەكەنىن مالىمدەدى. "كوكتەنكول ەلدى مەكەنىنەن قاراعاندىعا شىعار الدىندا گەولوگيالىق بارلاۋ كاسىپورنىنىڭ وكىلدەرى اراق ىشكەن. ولار مۇنى سوت زالىندا مويىندادى. ءبىراق Toyota جۇرگىزۋشى سپيرتتىك ىشىمدىك ىشكەن جوق دەدى. بۇعان قوسا، جۇرگىزۋشى قاراعاندىعا اسىعىپ بارا جاتقان، سەبەبى ولار ءبىر ساعاتتان سوڭ استانانىڭ تەمىرجول ۆوكزالىنان پويىزعا وتىرۋى ءتيىس بولعان"، - دەيدى ادۆوكات عادىل اسقاروۆ. ول سوت ۇكىمىنە شاعىم كەلتىرگەلى وتىر.
ەسكە سالا كەتەيىك، قاراعاندى وبلىسىندا بۇل جول-كولىك وقيعاسى وتكەن جىلدىڭ 26 - قازانىندا بولعان ەدى. قاراعاندى - جەزقازعان تاس جولىندا ەكى تراكتور ءبىر-ءبىرىن تروسپەن سۇيرەگەن. تراكتورشىلاردىڭ ەكەۋى دە جارىقتارىن قوسپاعان جانە جارىق شاعىلىستىراتىن بەلگىلەر ورناتپاعان. جولدىڭ كورىنۋ مۇمكىندىگى ناشار كەزىندە يۋمز تراكتورىنىڭ ءشوپ تاسۋعا ارنالعان تىركەمەسىنە Toyota اۆتوكولىگى سوعىلادى. اپات سالدارىنان وقيعا ورنىندا اۆتوكولىكتىڭ ءۇش جولاۋشىسى - الماتى وبلىسى قاراساي اۋدانىنىڭ 42 جاستاعى تۇرعىنى جانە جاپونيانىڭ 67 جانە 48 جاستاعى ەكى ازاماتى قايتىس بولدى. Toyota نىڭ 29 جاستاعى جۇرگىزۋشىسى مەن 60 جاستاعى جولاۋشىسى جاراقات الدى، بۇل جولاۋشى دا - جاپونيانىڭ ازاماتى.
جول-كولىك وقيعاسىنان قازا تاپقان جاپونيالىقتاردىڭ قازاقستانعا سول قايعىلى وقيعادان بەس كۇن بۇرىن كەلگەنى انىقتالدى. الماتىلىق "دالاماينينگ" ج ش س باس ديرەكتورىمەن، ەكى گەولوگپەن جانە ءبىر الماتىلىق اۋدارماشىمەن بىرگە ولار شەت اۋدانىنداعى كوكتەنكول ەلدى مەكەنىنە پايدالى قازبالاردى زەرتتەۋگە كەلگەن. جول اپاتى جاپونيا ازاماتتارى وتىرعان Toyota قاراعاندىعا قايتقان كەزدە بولدى.
اۆتور: ايسۇلۋ بۇشتايەۆا
«الاش ايناسى»
