عالىمدار كارەراداعى ساتتىلىكتى نەكەمەن بايلانىستىرادى
زەرتتەۋ نازارىنا نەكە قيعان 5 مىڭنان استام ادام ىلىكتى. ولاردىڭ جاستارى 19-89 جاس اراسىندا بولدى. 75 پايىز جاعدايدا ەرلى-زايىپتىلاردىڭ ەكەۋى دە جۇمىس ىستەگەن. تاجىريبەگە قاتىسۋشىلار بىرنەشە پسيحولوگيالىق تەستتەن ءوتتى.
دوكتور دجوشۋا دجەكسون (Joshua Jackson) مەن ونىڭ كومەكشىسى بريتتاني سولومون (Brittany Solomon) ادامداردىڭ جالپى قاسيەتتەرىن ساراپتادى.
زەرتتەۋ كورسەتكەندەي، جۇمىسى وڭعا باسقانداردىڭ جولداسىندا ادالدىق قاسيەتى جوعارى بولعان.
زەرتتەۋشىلەر ادالدىق قاسيەت كۇيەۋىنىڭ نە ايەلىنىڭ جەمىستى جۇمىس جاساۋىنا كومەكتەسەتىنىنە كوز جەتكىزدى. بىرىنشىدەن قىزمەتكەر تۇرمىستىق ءىستى جولداسىنا سەنىممەن تاپسىرا الادى. سونىمەن بىرگە ەكىنشى جارتىسىنىڭ جاعىمدى قاسيەتتەرىنەن ۇلگى الادى. قىزمەتكەردىڭ جارى نە كۇيەۋى جاعىمدى قاسيەتتەرگە يە بولسا، جۇمىستا كۇيزەلگەن ول جانۇياسىندا قالىپقا كەلىپ، كۇيزەلىستەن ارىلادى.
