قازاقستاندا مەديتسينالىق ج و و تۇلەكتەرىنىڭ جۇمىسقا ورنالاسۋى قاداعالانادى

دەلەگاتسيا تاڭەرتەڭ 3№ قالالىق ەمحانانىڭ ۇجىمىمەن جۇزدەستى. ەندى قالقامان شاعىن اۋدانىنداعى 7№ قالالىق كلينيكالىق اۋرۋحانادا دوڭگەلەك ۇستەل وتەدى دەپ جوسپارلانۋدا.

شارا بارىسىندا قۇزىرلى ورگان وكىلدەرى قالاداعى «سالاماتتى قازاقستان» باعدارلاماسىنىڭ جۇزەگە اسۋ بارىسىن تالقىلاپ، ءبىرىڭعاي ۇلتتىق دەنساۋلىق ساقتاۋ جۇيەسى اياسىندا الماتى ستاتسيونارلارىنىڭ دامۋى، الماتىداعى جەدەل مەديتسينالىق قىزمەت كورسەتۋ جۇيەسىنىڭ دامۋى، انا مەن بالا، تۋبەركۋلەزگە قارسى كۇرەس قىزمەتىنىڭ وزەكتى ماسەلەلەرى ءسوز بولدى.

سونىمەن قاتار، پرەمەر-مينيستردىڭ ورىنباسارى قالالىق دەنساۋلىق ساقتاۋ جۇيەسىندەگى باستى پروبلەمالاردى اتاپ ءوتتى.

«قازىرگى تاڭدا الماتىدا انا مەن بالا ءولىمى، تۋبەركۋلەزگە شالدىعۋ كورسەتكىشىنىڭ وڭ ديناميكاسى قالىپتاسقانىن اتاپ ءوتۋ قاجەت. بۇل تەك الماتىعا عانا قاتىستى ەمەس، بارلىق رەسپۋبليكاعا ورتاق پروبلەما. دەنساۋلىق ساقتاۋ جۇيەسىنىڭ الدىندا نەگىزگى ءۇش مىندەت شەشىمىن كۇتىپ تۇر: حالىق سانىن ارتتىرۋ، جۇقپالى اۋرۋلارعا قارسى كۇرەستى جانداندىرۋ، مەديتسينالىق جاڭا تەحنولوگيالاردى دامىتۋ»، - دەدى گ. ءابدىحالىقوۆا.

ونىڭ ويىنشا، ماماندار تاپشىلىعى دا دەر كەزىندە كورسەتىلەتىن مەديتسينالىق كومەكتىڭ ساپاسىنا ىقپال ەتەدى.

«ءقازىر بۇل ماسەلە دە وزەكتىلىگىن جويماي وتىر. مەديتسينالىق جوعارعى وقۋ ورىندارى تۇلەكتەرىنىڭ جۇمىسقا ورنالاسۋىن قاداعالاۋدى كۇشەيتۋ كەرەك»، - دەدى ول.

اۆتور: گۇلميرا ءعوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى