ق ر مادەنيەت جانە سپورت مينيسترلىگى مەكتەپ وقۋشىلارىنىڭ ءدىني كيىم كيۋىنە قارسى

 بۇل تۋرالى ق ر پرەزيدەنتى جانىنداعى ادام قۇقىعى جونىندەگى كوميسسيانىڭ كەڭەيتىلگەن وتىرىسىندا ق ر مادەنيەت جانە سپورت ۆيتسە- ءمينيسترى مارات ءازىلحانوۆ ايتتى.

«قالاي بولعاندا دا، ءبىز مەكتەپتەرگە وقۋشىلاردىڭ ءدىني اتريبۋتيكالارمەن جۇرۋىنە جول بەرمەۋىن كەڭەس ەتەمىز. ويتكەنى، مەكتەپتەردە بارلىعى دا تەڭ بولۋى ءتيىس جانە بالالاردى پايدالانا وتىرىپ، قانداي دا ءبىر ۋاعىز جۇرگىزىلمەۋى قاجەت. قانداي دا ءبىر قاتاڭ نە بولماسا باسقا دا شارالاردى قولدانباستان ءبىز بۇل نورمانى تۇسىندىرۋدەمىز ءارى وسى باعىتتا جۇمىستار جۇرگىزۋدەمىز» ، - دەدى ۆيتسە- مينيستر.

ونىڭ اتاپ وتۋىنشە، جىل سايىن 1 - قىركۇيەكتە قىزداردىڭ مەكتەپكە حيدجاپ كيىپ كەلۋ دەرەكتەرى كەزدەسىپ وتىرادى.

«ءبىز بۇل ماسەلەنى ساياسيلاندىرعالى، ونىڭ توڭىرەگىندە شۋ تۋدىرعالى وتىرعان جوقپىز. بۇل وتە كىنامشىل سالا. سوندىقتان دا مۇفتياتپەن بىرلەسىپ ءتۇسىندىرۋ جۇمىستارىن جۇرگىزۋدەمىز. ءبىز ءبىلىم تۋرالى زاڭنىڭ بار ەكەندىگىنە باسا نازار اۋدارتامىز جانە ءبىزدىڭ ءبىلىم بەرۋ سالامىز زايىرلى سيپاتقا يە» ، - دەدى م. ءازىلحانوۆ.

 اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى