ەلوردانىڭ باس الاڭىندا الماتى وبلىسىنىڭ اۋىل شارۋاشىلىعى جارمەڭكەسى وتۋدە - فوتو

«بۇگىن استانادا قالىپتاستىرعان ءداستۇر بويىنشا كۇزدە وتەتىن جارمەڭكەلەر باستالدى. وسى جاقسى ءداستۇردى بيىل الماتى وبلىسى باستاپ وتىر. ەلدىڭ كوڭىلى جارقىن. ويتكەنى، وسىناۋ ءبىر جارمەڭكەنى جىل سايىن ەلوردا جۇرتشىلىعى كۇتەدى. سەبەبى، اۋىل شارۋاشىلىعى ەڭبەككەرلەرى جاز بويى ماڭداي تەرىن توككەن ەڭبەگىن اكەپ، ونى ەلورداعا پاش ەتەدى» ، - دەدى ي. تاسماعامبەتوۆ.

قالا باسشىسىنىڭ سوزىنە قاراعاندا، الماتى وبلىسى وسى جارمەڭكەگە 450 توننا ازىق- تۇلىك اكەلگەن. ونىمدەردىڭ قۇنى ەلوردا بازارلارىنداعى باعاسىمەن سالىستىرعاندا 20 پايىزعا دەيىن، كەيبىرى ونىمدەر ءتىپتى 50 پايىزعا دەيىن تومەن ساۋدالانۋدا.

«ارينە، مۇنداي ءداستۇر جالعاسىن تابادى. كەلەسى سەنبى كۇنى جامبىل وبلىسى كەلمەكشى. وسلايشا، ءاربىر سەنبىدە قالانىڭ ورتالىق الاڭىندا مەرەكەلى، بەرەكەلى جارمەڭكەلەر ۇيىمداستىرىلاتىن بولادى» ، - دەدى ول.

 ايتا كەتەيىك، جەتىسۋ ءوڭىرى ەلورداعا 50 دەن استام ءونىم ءتۇرىن اكەلگەن. ونىڭ ىشىندە 15 توننا قوي ەتى، 16 توننا سيىر ەتى، 14 توننا جىلقى ەتى، 6 توننا قۇس ەتى، 12 توننا بالىق، 18,2 توننا ءسۇت ونىمدەرى، 52 توننا كارتوپ، 194 توننا كوكونىس سىندى ونىمدەر بار.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى