لوندوندا قازاقستان تاريحى تۋرالى كىتاپتىڭ تۇساۋكەسەرى ءوتتى
بۇل تۋرالى ق ر سىرتقى ىستەر مينيسترلىگىنىڭ باسپا ءسوز قىزمەتىنەن حابارلادى.
شىعارما اۆتورى الماتىدا بانك سالاسىندا ءۇش جىلدان استام جۇمىس اتقارعان كەزىندە قازاقستاننىڭ مادەنيەتىن جانە تاريحىن زەرتتەۋگە كوپ كوڭىل بولگەن. لوندونعا قايتىپ كەلگەن سوڭ ر. ۋايتتىڭ باستى ماقساتى - بريتاندىق اۋديتوريانى، ونىڭ پىكىرىنشە، ورتالىق ازيانىڭ ەڭ ماڭىزدى ەلىنىڭ اسەرلى تاريحىمەن تانىستىرۋ بولدى.
"ارميالار جانە يمپەريالار، تايپالار جانە حاندىقتار ءوز كەزەكتەرىمەن پايدا بولىپ، جوعالىپ جاتتى. بۇلتارتپاس تاريحي ۇدەرىستەر قازاقستاندى حاندار مەن كوشپەلى رۋلىق قاۋىمدار ەلىنەن سىرتقى دۇنيەگە اشىق زاماناۋي مەملەكەتكە دەيىن ايتارلىقتاي وزگەرىستەرگە ۇشىراتتى» ، دەپ تۇجىرىمدايدى ول.
تانىستىرۋ ءراسىمى بريتاندىق ساراپشىلار اراسىندا ۇلكەن قىزىعۋشىلىق تۋدىردى. "قازاقستاننىڭ مەملەكەتتىلىگىن قۇرۋ تاريحى تەك مامانداردىڭ عانا ەمەس، سونىمەن قاتار قاراپايىم بريتاندىق وقىرمانداردىڭ دا نازارىن اۋدارادى"، دەيدى ولار.
