قىتاي دەلەگاتسياسى اياگوزگە دەيىن تەمىر جول سالۋدى ۇسىندى
مارتەبەلى مەيماندار سەمەي قالاسىنداعى يادرولىق سىناق پوليگونىنىڭ قۇرباندارىنا ارنالعان «ولىمنەن دە كۇشتى» مونۋمەنتىندە، تۇيەمويناق ارالىنداعى تۋريستىك بازا قۇرىلىسى جوباسىنىڭ تۇساۋكەسەرىندە، تەرى- ءجۇن وڭدەۋ كومبيناتىندا، شارۋا قوجالىعىندا جانە جەرگىلىكتى تاۋار وندىرۋشىلەر ونىمدەرىنىڭ كورمەسىندە بولدى.
ءوڭىر باسشىسى بەردىبەك ساپاربايەۆ دەلەگاتسيا جەتەكشىلەرىمەن كەزدەسىپ، تاراپتار اراسىنداعى نەگىزگى ماسەلەلەردى تالقىلادى. قازىرگى كەزدە قىتايدا شاۋەشەك پەن قاراماي اراسىندا تەمىر جول قۇرىلىسى جۇرگىزىلۋدە. كەزدەسۋ بارىسىندا قىتايلىق تاراپ وسى تەمىر جولدى اياگوز قالاسىنا دەيىن سوزۋ جونىندەگى ۇسىنىسىن جەتكىزدى. شەتەلدىك دەلەگاتسيا مۇشەلەرىنىڭ ايتۋىنشا، شىعىس وڭىرىندەگى تەمىر جولداردىڭ كوپشىلىگى تۇيىقتالىپ قالعاندىقتان، جاڭا تەمىر جول ەكى ەلدىڭ اراسىن جالعاپ، تاۋار اينالىمىن ۇلعايتۋعا سەپتىگىن تيگىزبەك. سونىمەن بىرگە، سەمەي مەن شاۋەشەك قالالارى اراسىندا اۋە بايلانىسىن ۇيىمداستىرۋ كوزدەلىپ وتىر.
«ءبىز كولىك- لوگيستيكالىق ورتالىعىن قۇرۋ جونىندە اڭگىمەلەستىك. بۇل - اسىرەسە، سەمەي ءۇشىن وتە ماڭىزدى. ءبىز رەسەيمەن دە شەكارالاسپىز. ءبىرقاتار ەۋروپالىق ەلدەر شەكتەپ وتىرعان تاۋارلاردىڭ ۇلەسىن ەلىمىز، سونىڭ ىشىندە شىعىس قازاقستان وبلىسى تولتىرۋى ءتيىس. ءوزىمىزدىڭ جانە كورشىلەرىمىزدىڭ تاۋارىن سەمەي ارقىلى تاسىمالداي الامىز. بۇل رەتتە ءبىزدىڭ جاعرافيالىق ورنالاسۋىمىز تەمىر جول، اۆتوجول جانە اۋە جەلىلەرى ارقىلى ءتيىمدى بولا تۇسەدى. وسى مۇمكىندىكتى پايدالانۋىمىز قاجەت» ، - دەدى ءوڭىر باسشىسى بەردىبەك ساپاربايەۆ.
