ا ق ش-تا ايگىلى سمارتفوننىڭ التىنشى نۇسقاسى ساتىلىمعا شىقتى

ايگىلى سمارتفوننىڭ التىنشىسىن العاشقىلاردىڭ ءبىرى بولىپ الۋعا اسىققان حالىقتىڭ قاراسىندا شەك جوق. ءتۇن ۇيقىسىن ءتورت بولگەن كوپتىڭ كوكەيىندە ءبىر ارمان، ەكى سمارتفون: iPhone 6 مەن iPhone 6 قوسىمشاسى. بىرىنەن-ءبىرى ءوتىپ تۇر.

- جالپاق ەكرانعا ءتۇبى ءبىر جەتتىك. تىپتەن عاجاپ! ءوزى-وزىمە ءالى دە سەنە الماي تۇرمىن. تاڭ اتۋعا دا جاقىندادى. كەزەك بولسا مينۋت ساناپ كەڭەيىپ بارادى. قارا شىمىلدىقتىڭ ارتىندا قۇپيا بولىپ قالماي، Apple قىزمەتكەرلەرى دە ەكى ورتادا ابىر-سابىر كۇي كەشىپ ءجۇر. ىستىق ءشاي مەن ءتاتتى-ءدامدىسىن تاراتىپ، تۇتىنۋشىنىڭ كوڭىلىن اۋلاپ قويادى، دەيدى ۆاشينگتون تۇرعىنى ادالبەرتو مارتۋەز.

ءبىرى 4,7، ەكىنشىسى 5,5 ديۋيمدىك قوس سمارتفون سوڭعى 5S ۇلگىسىنەن اۋەلى ەكران جازىقتىعىمەن ەرەكشەلەنىپ وتىر. قۋات كوزى اناعۇرلىم ارتىق. ايتالىق، iPhone 6 قوسىمشاسىنىڭ قاۋقارى 5S-تەن ەكى ەسە ارتىق. ەكى تەلەفون دا 8 مەگاپيكسەلدىك بەينە جازبا جۇيەسىمەن جاراقتالعان. ال باعا ماسەلەسىنە كەلسەك، ا ق ش جۇرتى ءۇشىن سۋ جاڭا تەلەفوندى 2,5 كەلىسىم-شارت نەگىزىندە 199 ا ق ش دوللارىنان باستاپ، كەلىسىمسىز 649 ا ق ش دوللارىنا دەيىنگى ارالىقتا يەمدەنۋگە بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى