شوتلانديا بىرىككەن كورولدىكتىڭ قۇرامىندا قالاتىن بولدى
شوتلانديانىڭ ءبىرىنشى ءمينيسترى الەكس سالموند تاۋەلسىزدىك ءۇشىن داۋىس بەرگەن 1,6 ميلليون ازاماتقا العىسىن ايتىپ، جەڭىلگەنىن مويىندادى.
سونداي- اق ول رەفەرەندۋمعا كەلگەندەردىڭ سانىنىڭ جوعارى بولعانىن اتاپ ءوتتى.
سايلاۋ ۋچاسكەلەرىنە بەيسەنبى كۇنى ازاماتتاردىڭ 80 پايىزدان استامى كەلدى.
ەلدىڭ ءبولىنۋىن قولداعانداردىڭ دەنى داندي قالاسىنان بولدى: مۇندا تاۋەلسىزدىك ءۇشىن ازاماتتاردىڭ 57,35 پايىزى داۋىس بەرگەن.
ءىرى قالالاردىڭ ءبىرى گلازگو تاۋەلسىزدىكتى قولداپ داۋىس بەرسە، شوتلانديا استاناسى - ەدينبۋرگ بۇل باستامانى قۇپتامادى.
