مايا مانەزا ازيا ويىندارىنا نەگە بارماي قالدى؟

سوڭعى جىلدارى الەمدىك باسەكەلەردەن اۋىر اتلەتتەرگە كوپ ءۇمىت ارتاتىنىمىز جاسىرىن ەمەس. سەبەبى، وليمپيادا، الەم، ازيا ويىندارىندا قازاقستاندىق اۋىر اتلەتتەردىڭ قورجىنى بوس قايتقان ەمەس. الايدا، بۇگىن جالاۋى جەلبىرەگەن «سارى قۇرلىق» دوداسىنا لوندون وليمپياداسىندا توپ جارعان ءبىرقاتار چەمپيوندارىمىز بارماي قالدى. سولاردىڭ ءبىرى - مايا مانەزا.

قازىر حالىق كوكەيىندە ازيا ويىندارىنا زۋلفيا چينشانلو بارعاندا مايا مانەزا نەگە بارماي قالدى دەگەن سۇراقتىڭ تۋىنداۋى ابدەن مۇمكىن. ونىڭ وزىندىك سەبەبى بار.

بۇل تۋرالى مايا مانەزا: «لوندون وليمپياداسىنان كەيىن تۇرمىسقا شىقتىم. سوسىن، انا اتانىپ، ومىرگە بالا اكەلدىم. وسى سەبەپتى ەكى جىلدان بەرى بالا كۇتىمىمەن ۇيدە وتىرىپ قالدىم. بۇل جولعى ازيا ويىندارىنا سول سەبەپتى قاتىسا المادىم. ءبىراق جولداسىم قازاق ەلىنىڭ نامىسىن قورعاۋعا بايراقتى باسەكەگە اتتانىپ كەتتى. ءبىر ۇيدەن ءبىر ادام قاتىسسا دا جەتكىلىكتى شىعار دەپ ءوزىمدى جۇباتىپ، كۇيەۋىمنىڭ تىلەۋىن تىلەپ وتىرمىن»، - دەيدى وليمپيادا چەمپيونى.

كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى