قىرعىزدار قالاي پايدا تاپتى؟

«شەتەلدىك تۋريستەر - $1,8 ميلليون (كىرىس اكەلدى - قازتاگ). ءار تۋريست ورتاشا العاندا 1 تۋرعا $400 جاراتادى (ويىندار كەزەڭىندە جۇرگەندە - قازتاگ). ىشكى تۋريستەر - $8,1 ميلليون. ىشكى تۋريستەر ورتاشا العاندا تۋرعا $200 جاراتادى. ەلدەگى جانە ىستىق كول وڭىرىنە ويىنداردان كەلگەن جالپى كىرىس - $9,9 ميلليون بولدى. ەگەر ويىنداردى وتكىزۋگە 102 ميلليارد سوم جاراتىلعانىن ەسكەرسەك، ءبىرىنشى ويىندار ءۇشىن بۇل جامان ەمەس، دەپ ويلايمىن»، - دەپ جازىپتى ءوزىنىڭ Facebook-تەگى پاراقشاسىندا ق ر مادەنيەت، اقپارات جانە تۋريزم ءمينيسترىنىڭ ورىنباسارى ماقسات چاكيەۆ.

ونداعى بار اقپارات بويىنشا، كوشپەندىلەردىڭ دۇنيەجۇزىلىك ويىندارىنا 45 مىڭ ادام قاتىستى، ولاردىڭ ىشىندە ءار ويىنشى - شەتەلدىك ازامات بولدى. «تۋريزم دەپارتامەنتىنىڭ مالىمەتتەرىنشە، ويىندارعا 45 مىڭ ادام قاتىستى. ويىنداردىڭ سالتاناتتى اشىلۋ راسىمىندە عانا يپپودرومدا 15 مىڭ ادام قاتىستى. ولاردان %10 (4-4,5 مىڭ ادام) شەتەلدىك تۋريستەر بولدى»، - دەدى م. چاكيەۆ.

ەسكە سالساق، كوشپەندىلەردىڭ دۇنيەجۇزىلىك ويىندارى قىرعىزستاندا 9-14- قىركۇيەكتە ءوتتى. وعان الەمنىڭ 19 ەلىنەن سپورتتىڭ 10 تۇرىنەن 430 سپورتشى دەلەگاتسيا قاتىستى. قازاقستان قۇراماسى 28 مەدال، ونىڭ ىشىندە 10 التىن، 9 كۇمىس جانە 9 قولا مەدال جەڭىپ الدى.

«ايقىن»

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى