ماسكەۋدە ماڭىزدى ماسەلە تالقىلاندى
وتىرىسقا قاتىسۋشىلار كەدەندىك وداق پەن ە ە ك قىزمەتى، ەۋرازيالىق ەكونوميكالىق وداقتىڭ قۇرىلۋى اياسىنداعى وزەكتى ماسەلەلەردى قاراستىردى. كەڭەس وتىرىسىنداعى كۇن تارتىبىندە تالقىلانعان نەگىزگى ماسەلەلەر اعىمداعى جىلى 29- مامىردا قول قويىلعان ەۋرازيالىق ەكونوميكالىق تۋرالى شارتقا سايكەس قۇرىلىپ جاتقان ەۋرازيالىق ەكونوميكالىق وداق ورگاندارىنىڭ ءتيىمدى قىزمەتىن قۇرۋعا باعىتتالعان.
سونىڭ ىشىندە حالىقارالىق كەلىسسوزدەر مەن كەڭەس ورگاندارىنىڭ اكتىلەرىن مەملەكەتتىك تىلدەرگە اۋدارۋ، ونى جاريالاۋ ءتارتىبى سىندى ماسەلەلەر بويىنشا جالپى قاعيدالار ازىرلەندى. سونىمەن قاتار ەۋرازيالىق ەكونوميكالىق وداق سوتىنىڭ جاڭا قۇرىلىمىن قۇرۋ بويىنشا كەلىسسوزدەرگە قول جەتكىزىلدى. كەڭەس وتىرىسىندا قىرعىز رەسپۋبليكاسىنىڭ ءبىرىڭعاي ەكونوميكالىق كەڭىستىككە ەنۋى بويىنشا جول كارتاسىن دايىنداۋ جۇمىستارى تالقىلاندى. وتىرىس بارىسىندا 2014-2015-جىلدارعا ارنالعان كەدەندىك وداقتىڭ تەحنيكالىق رەگلامەنتتەرىن دايىنداۋ جوسپارى بەكىتىلىپ، كەدەندىك وداق اياسىنداعى ءوزارا ساۋدا جاساسۋ كەزىندەگى وزوندى بۇزاتىن زاتتاردى تاسىمالداۋ تۋرالى كەلىسىم جوباسى ماقۇلداندى.
