تىلگە قۇرمەت - ەلگە قۇرمەت - مويسەي چجەن
ونىڭ ايتۋىنشا، راسىندا دا، سوڭعى كەزدەرى الەمدە بازبىرەۋلەر ءتىلدى ادامداردى جاقىنداتۋدىڭ ورنىنا ارازداستىرىپ، جانجالداستىرۋدىڭ قارۋى رەتىندە پايدالانۋعا تىرىسۋدا. ءبىزدىڭ ەلىمىزدە دە ءتىل ماسەلەسى تۋرالى اۋقىمدى وي-پىكىرلەر از ايتىلىپ جاتقان جوق. پىكىرتالاستار دا كوپ. ءبىراق، قانشا دەگەنمەن ەلباسىنىڭ جۇرگىزىپ وتىرعان ساليقالى ساياساتىنىڭ ارقاسىندا بۇگىندە ەلىمىزدە مەكەندەيتىن وزگە ۇلتتاردىڭ دا مەملەكەتتىك تىلگە دەگەن قۇلشىنىستارى ارتىپ كەلەدى.
«قازاق ءتىلى ءبىزدىڭ رۋحاني تىرەگىمىز، ەل بولۋىمىزدىڭ نەگىزگى ولشەمى. بۇل تۇرعىسىندا ەلباسىمىز ءوزىنىڭ ۇلىتاۋدا باۋرايىندا بەرگەن سۇحباتىندا قاداپ ايتتى. وسى ورايدا، ءبىزدىڭ بىرلەستىكتە مەملەكەتتىك ءتىلىمىزدىڭ مارتەبەسىن كوتەرۋگە قۇلشىنىپ جاتىر. حالىق پەن ءتىل - ەگىز ۇعىم. تۋعان ءتىلىمىز - تۇعىرىمىز. تىلگە قۇرمەت - ەلگە قۇرمەت. وسىنى ەستە ۇستاۋ ءبىرىنشى كەزەكتەگى مىندەتىمىز بولۋعا ءتيىس. باسقاعا ۇلگى ايتپاس بۇرىن وزىمىزگە تالاپ قويىپ، جاۋاپكەرشىلىكتى كۇشەيتسەك، مەرەيىمىز ءاردايىم ۇستەم بولاتىنى ءسوزسىز»، دەيدى مويسەي چجەن.
اۆتور: اسلان وسپانوۆ
