بۇگىننەن باستاپ دۇكەندەردە جاندىكتەردەن ازىرلەنگەن تاعامدار ساتىلماق
بۇل جاڭا ءونىم ءتۇرىن ساتۋمەن اينالىساتىن العاشقى ساۋدا جەلىسى. جاقىندا ونىڭ سورەلەرىندە «جاسىل قوڭىزدار» (Green Bugs) دەپ اتالاتىن ۇن قۇرتتارىنان ازىرلەنگەن گامبۋرگەرلەر دە پايدا بولماق، دەپ جازادى ۆەستي. رۋ.
ايتا كەتەيىك، بەلگيا جاندىكتەردى تاعامعا پايدالانۋدى زاڭدى تۇردە ەنگىزگەن ەۋرووداقتاعى العاشقى ەل بولىپ وتىر. 2013-جىلدىڭ جەلتوقسان ايىندا ەل بيلىگى جاندىكتەردى ءوسىرىپ، تاعام رەتىندە تۇتىنۋعا رۇقسات بەرگەن. ەندى مۇنداي كاسىپپەن اينالىسۋدى نيەت ەتكەن كاسىپكەرلەر ارنايى سەرتيفيكاتتاۋدان وتكىزىلمەك.
بەلگيانىڭ ازىق-تۇلىك ونىمدەرىنىڭ قاۋىپسىزدىگىمەن اينالىساتىن اگەنتتىگى اس-اۋقات رەتىندە پايدالانۋعا جارامدى ون جاندىكتى اتادى. ولاردىڭ قاتارىندا شەگىرتكەلەردىڭ ءبىرقاتار تۇرلەرى، سونداي-اق قۇرتتار مەن جۇلدىزقۇرتتار بار. ال الەمدە جاندىكتەردىڭ 1,4 مىڭ ءتۇرى جەۋگە جارامدى. زەرتتەۋلەر كورسەتكەندەي، ولار جانۋارلار ەتى نەمەسە بالىق ءتارىزدى ادامعا پايدالى اق ۋىزعا وتە باي.
