ءتىل جاناشىرى بايقاۋىنىڭ جەڭىمپازى جارتى ميلليون تەڭگەگە يە بولدى
وبلىس اكىمى نۇرمۇحامبەت ابدىبەكوۆ اتاپ وتكەندەي، وڭىردە وسىمەن ءۇشىنشى رەت وتكىزىلىپ وتىرعان بايقاۋ مەملەكەتتىك ءتىل ساياساتىن جۇزەگە اسىرۋعا باعىتتالعان.
ۇيىمداستىرۋشىلار ءمالىم ەتكەندەي، بيىل بايقاۋعا قاتىسۋعا 50 ءوتىنىم تۇسكەن، ونىڭ 18 كونكۋرسقا قاتىستىرىلعان. قازىلار القاسى ءتۇرلى اتالىمدار بويىنشا 6 جەڭىمپازدى انىقتادى.
مەملەكەتتىك ءتىلدى دامىتۋعا ەرەكشە ۇلەس قوسقانى ءۇشىن «ءتىل مايتالمانى» اتالىمى بويىنشا 500 مىڭ تەڭگە كولەمىندەگى سىياقىنى دولينكا كەنتىندەگى ساياسي رەپرەسسيا قۇرباندارىن ەسكە الۋ مۋزەيى ديرەكتورىنىڭ ورىنباسارى يبراگيم يسلياموۆ يەلەندى. تاعى بەس ادام 400 مىڭ تەڭگە كولەمىندەگى قارجىلاي ماراپاتتارعا يە بولدى، ولاردىڭ ىشىندە ايماقتىق ب ا ق جۋرناليستەرى دە بار.
