ينچحوندا ازيا ويىندارى رەسمي اشىلدى

 ءتورت اكتىدەن تۇراتىن ازيا ويىندارىنىڭ اشىلۋ سالتاناتى بارىسىندا قۇرلىقتىڭ تاريحى تولىعىمەن كورسەتىلدى. العاشقى بولىمدە كونە زامانداعى ازيا كورەرمەن نازارىنا ۇسىنىلسا، سوڭعى بولىمدە قۇرلىقتىڭ قازىرگى ءومىرى پاش ەتىلدى.

 شوۋدى قويۋعا بىرنەشە مىڭ ادام قاتىستى. سونىمەن قاتار كورەيانىڭ EXO، JYJ جانە Big Bang سىندى مۋزىكالىق توپتارى ونەر كورسەتتى. اسىرەسە، Gangnam Style حيتىن ورىنداعان PSY تريبۋناعا جينالعان حالىقتىڭ زور قوشەمەتىنە بولەندى.

 وسىدان كەيىن كوماندالاردىڭ ءداستۇرلى شەرۋى باستالدى. وسى جولعى ويىندارعا 45 ەلدىڭ سپورتشىلارى قاتىسۋدا. قازاقستاندىق دەلەگاتسيا قۇرامىندا سپورتشىلاردى، جاتتىقتىرۋشىلار مەن رەسمي تۇلعالاردى قوسا العاندا 600 ادام ساپ تۇزەپ ءوتتى. قازاقستاننىڭ كوك بايراعى لوندون وليمپياداسىنىڭ كۇمىس جۇلدەگەرى، بوكسى ادىلبەك نيازىمبەتوۆتىڭ قولىندا جەلبىرەدى.

ايتا كەتەرلىگى، ازيا ويىندارىنا ەلىمىزدىڭ ۇزدىك سپورتشىلارى قاتىساتىن بولادى. ولاردىڭ قاتارىندا وليمپيادا چەمپيوندارىنىڭ زۋلفيا چينشانلو مەن ولگا رىپاكوۆا، الەم چەمپيوندارى مەن جۇلدەگەرلەرى، قۇرلىقتىق بىرىنشىلىكتەردىڭ جەڭىمپازدارى بار.

ەرتەڭ ينچحوندا قازاقستان سپورتشىلارىنىڭ قاتىسۋىمەن جارىستار باستالادى. ازيا ويىندارى 4 - قازاندا اياقتالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى