مەملەكەتتىك ءتىل ماماندارى مەن اۋدارماشىلاردىڭ رەسپۋبليكالىق وقۋ- ادىستەمەلىك جيىنى وتەدى
جيىن بارىسىندا «مەملەكەتتىك تىلدە سويلەگەن اسكەردىڭ رۋحى بيىك، ايبىنى اسقاق!» تاقىرىبىندا دوڭگەلەك ۇستەل ۇيىمداستىرىلادى.
«نۇر وتان» پارتياسىنىڭ الماتى فيليالى ورنالاسقان عيماراتتىڭ ءماجىلىس زالىندا 25 - قىركۇيەك كۇنى وتەتىن شاراعا حالىقارالىق قازاق ءتىلى قوعامىنىڭ پرەزيدەنتى، فيلولوگيا عىلىمدارىنىڭ دوكتورى، اكادەميك ءومىرزاق ايتباي ۇلى، الماتى قالاسىنىڭ تىلدەردى دامىتۋ، مۇراعاتتار جانە قۇجاتتاما باسقارماسىنىڭ باستىعى احەتوۆ ماماي، «نۇر وتان» پارتياسى الماتى فيليالى ءتوراعاسىنىڭ ورىنباسارى، فيلولوگيا عىلىمدارىنىڭ دوكتورى ماتىجانوۆ كەنجەحان، «مەملەكەتتىك تىلگە قۇرمەت» قوعامىنىڭ ءتورايىمى اسىلى وسمان قاتىسادى، دەپ كۇتىلۋدە. سونداي- اق وعان ق ر ۇ ق ك شەكارا قىزمەتى اكادەمياسىنىڭ وقىتۋشىلارى مەن ءبىرقاتار قوعامعا بەلگىلى ازاماتتار مەن عالىم- ۇستازدار قاتىسادى.
سونىمەن قاتار ورىس ءتىلدى اۋديتورياعا مەملەكەتتىك ءتىلدى وقىتۋدىڭ زاماناۋي ءادىس- تاسىلدەرى، مەملەكەتتىك ءتىلدى قازتەست باعدارلاماسى بويىنشا وقىتۋدىڭ ادىستەمەسى، اۋدارما تەحنيكاسى، رەسمي اۋدارما ۇلگىلەرى، اۋدارما ماسەلەلەرى تاقىرىپتارىندا ساباقتار ۇيىمداستىرىلماق.
جيىن اياسىندا 26 - قىركۇيەك كۇنى قازاقستان جازۋشىلار وداعى باسقارماسىنىڭ ءماجىلىس زالىندا ۇلتتىق ۇلاننىڭ اسكەري بولىمدەرىندەگى وزگە ۇلت وكىلدەرى بولىپ تابىلاتىن اسكەري قىزمەتشىلەر اراسىندا «مەملەكەتتىك ءتىل - مەنىڭ ءتىلىم» بايقاۋىنىڭ شەشۋشى Ⅲ - كەزەڭى وتكىزىلەدى، دەپ حابارلايدى ق ر ۇلتتىق ۇلانى «وڭتۇستىك» وڭىرلىك قولباسشىلىعى باسپا ءسوز قىزمەتىنەن.
