ريزابەك نۇسىپبەك «نۇر وتان» پارتياسىنىڭ «وتباسىمنىڭ تاريحى» بايقاۋىنىڭ جەڭىمپازى اتاندى
«قازاقپارات» حالىقارالىق اقپاراتتىق اگەنتىگىنىڭ شەف- رەداكتورى نۇسىپبەك ريزابەك فەيسبۋكتەگى ۇزدىك جازبانىڭ اۆتورى بولىپ تانىلدى.
قازىلار القاسى سونداي- اق ۆكونتاكتە جەلىسىندەگى ۇزدىك جازبانىڭ اۆتورى يرينا ولەينيك جانە ينستاگرامداعى ۇزدىك سۋرەتتىڭ اۆتورى ورالدىق گوردەي تريشەنكوۆ دەگەن قورىتىندىعا كەلدى. بۇل تۋرالى «نۇر وتان» پارتياسىنىڭ سايتىندا جاريالاندى.
جەڭىمپازدار CANON EOS 650D فوتواپپاراتىنا يە بولماق.
ايتا كەتەيىك، وتباسى كۇنى مەن پارتيانىڭ وتباسى ينستيتۋتى مەن وتباسىلىق قۇندىلىقتاردى نىعايتۋعا باعىتتالعان «باقىتتى وتباسى» جوباسى اياسىندا قولعا الىنعان كونكۋرس تامىزدىڭ 26 نان باستاپ قىركۇيەكتىڭ 9 نا دەيىنگى كەزەڭدە وتكىزىلدى. كونكۋرسقا جولدانعان جازبالار مەن سۋرەتتەر اراسىنان 60 شىعارما قاراستىرىلا كەلە، ءار نوميناتسيا بويىنشا 5 اۆتور اقتىق كەزەڭگە جىبەرىلدى. قازىلار القاسى وسىلاردىڭ اراسىنان جۇمىستارىن فەيسبۋك، ۆكونتاكتە جانە ينستاگرامدا جاريالاعان ءۇش اۆتوردى جەڭىمپاز دەپ تاپتى.
بايقاۋ الەۋمەتتىك جەلىلەردە قىزۋ قولداۋعا يە بولىپ، قازاقستاننىڭ ءتۇرلى قالالارىنىڭ تۇرعىندارى - ءتۇرلى مامان يەلەرى، ءتۇرلى جاستاعى ادامدار Facebook, VKontakte, Instagram پاراقشالارىندا #otbasy حەشتەگىمەن جازبالارىن جاريالادى. قاتىسۋشىلاردىڭ وتباسىلىق تاريحى press@nurotan.kz ەلەكتروندى پوشتاسىنا دا كەلىپ ءتۇستى. كەلىپ تۇسكەن شىعارمالار جانرىنىڭ الۋاندىعى بايقاۋعا قىزىعۋشىلىقتىڭ جوعارى بولعانىن كورسەتەدى. تاقىرىپقا قاتىستى دۇنيەلەر ەسسە، ولەڭ، فوتورەپورتاج، بەينەروليكتەر تۇرىندە جولداندى.
