پارلامەنتتە قىزمەت ەتەتىندەردىڭ جالاقىسى قانشا ەكەندىگى بەلگىلى بولدى

«دەپۋتاتتاردىڭ جالاقىسى ەشكىمگە قۇپيا ەمەس. قازىر ءبىز 500 مىڭ شاماسىندا جالاقى الامىز. بۇل ۇكىمەتتىڭ باسقا مۇشەلەرىمەن، ۇلتتىق كومپانيا قىزمەتكەرلەرىمەن سالىستىرعاندا ونشا كوپ ەمەس. دەگەنمەن، ونى ازىرقانۋ، مەنىڭشە، كۇنا. ءوز جۇمىسىمىزعا ساي جالاقى الامىز»، - دەدى ول جۋرناليستەردىڭ سۇراقتارىنا جاۋاپ بەرۋ كەزىندە.

 ول سونداي- اق، ارىپتەسى سۆەتلانا جالماعامبەتوۆانىڭ ۇسىنىسى تۋرالى ايتا كەلىپ، ونىڭ دەپۋتاتتاردىڭ ەمەس، پارلامەنتتەگى باسقا قىزمەتكەرلەردىڭ جالاقىسىن كوتەرۋ كەرەك دەگەندى ايتقانىن ءتۇسىندىردى.

«س. جالماعامبەتوۆا بۇگىندە جوعارعى سوت، ۇكىمەت قىزمەتكەرلەرىمەن بىردەي قىزمەت اتقارىپ، بىردەي جاۋاپكەرشىلىك كوتەرىپ كەلە جاتقان پارلامەنتتىڭ باسقا قىزمەتكەرلەرى تۋرالى ايتتى. جالماعامبەتوۆا ءوزى تۋرالى ايتقان جوق، دەپۋتاتتاردىڭ جالاقىسى تۋرالى ايتقان جوق، ول باسقا قىزمەتكەرلەر تۋرالى ايتتى. ءيا، بۇگىندە پارلامەنتتەگى قىزمەتكەرلەر ۇلكەن جۇمىس اتقارۋدا جانە ولار ەشكىمنەن كەم ەمەس. سايكەسىنشە، مەنىڭ ويىمشا، ولاردىڭ جالاقىسى دا ەڭبەگىنە ساي بولۋى كەرەك. ويتكەنى وندا ىستەيتىندەردىڭ كوبى جاستار جانە كوبىنىڭ 2-3 بالاسى بار. بۇگىندە ولاردىڭ الاتىن 100 مىڭنان ءسال عانا اساتىن جالاقىسى ەڭبەكتەرىنە ساي ەمەس» ، - دەدى دەپۋتات.

اۆتور: ءابۋ- اسقار مەكەش ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى