پاناما - الەمدەگى ەڭ باقىتتى مەملەكەت
جۇمىس بارىسىندا ماماندار مەملەكەتتەردى كەلەسى كورسەتكىشتەر بويىنشا باعالادى: ەلدەگى حالىقتىڭ تابىسى، الەۋمەتتىك قورعاۋدى سەزىنۋى، جاقىندارىنا دەگەن قارىم-قاتىناسى، ومىرلىك ماقساتىنىڭ ايقىن بولۋى، دەنساۋلىقتارىنىڭ جاقسى بولۋى نەگىزگە الىندى. رەيتينگتە كوش باستاپ تۇرعان پاناما مەملەكەتى، ودان كەيىن كوستا-ريكا، دانيا، اۆستريا، برازيليا، سالۆادور، ۋرۋگۆاي، شۆەتسيا، كانادا جانە گۆاتەمالا.
ەڭ باقىتسىز ەلدەردىڭ وندىعىنا سيريا، اۋعانستان، گايتي، كونگو، چاد، ماداگاسكار، ۋگاندا، بەنين، حورۆاتيا جانە گرۋزيا كىرەدى. قازاقستانعا قانشاسىنشى ورىن بەرگەنى بەلگىسىز. رەيتينگ اۆتورلارى باقىتسىز ەلدەردىڭ قاتارىنا كوبىنە قارۋلى قاقتىعىستار ءجيى بولاتىن ەلدەر جاتقىزىلاتىنىن ايتتى. سونىمەن قاتار، مەملەكەتتەردىڭ باقىتتى بولۋىنا مەنتاليتەتتەرى دە اسەر ەتەدى. مىسالى، حالقى جايلى ءومىر سۇرەتىن باقىتتى مەملەكەتتەر كوبىنەسە لاتىن امەريكاسىندا ەكەن. مامانداردىڭ ايتۋىنا قاراعاندا، باقىتتى ەلدەردىڭ حالقى وپتيميست بولىپ كەلەدى.
دۋاناباي جولداسبەك
«ايقىن»
