ءۇيقاماقتاعى گۇلنار كاريموۆانىڭ جاڭا سۋرەتتەرى جاريالاندى - فوتو

سۋرەتتەردە كەزىندە ءسان بيزنەسى مەن ساياساتتا اتاعى جەر جارعان وزبەك پرەزيدەنتىنىڭ قىزى جۇپىنى كيىنىپ الىپ ءۇيىنىڭ سىرتىندا ءجۇر.

گۇلنارا كاريموۆا ءوزىن ساياسي استارى بار جەمقورلىق ءىسى بويىنشا قۋعىنعا ۇشىراعان ادام سانايدى.

فوتوداعى جەڭىل كەۋدەشە مەن سۇيرەتپە اياق كيىم ىلە سالعان گۇلنارا ارنايى فورما كيگەن ءۇش ەر اداممەن سوزگە كەلىپ تۇرعانعا ۇقسايدى.

بۇل سۋرەتتەردى قىركۇيەكتىڭ 16 سى كۇنى گۇلنارانىڭ ۇلى بريتانيادا تۇراتىن وكىلى رايان لوكسلي تاراتىپ، كاريموۆا مەن ونىڭ قىزىنا شۇعىل مەديتسينالىق كۇتىم كەرەك ەكەنىن مالىمدەدى.

"ونى قىزى ەكەۋىن ءۇيقاماقتا ۇستاۋشىلار جۇيەلى تۇردە اش قالدىرادى، سىرتتان اس-سۋ كىرگىزدىرمەيدى" دەيدى لوكسلي.

42 جاستاعى كاريموۆا كوبىنە ەۋروپادا تۇرىپ كەلگەن داۋلەتتى ىسكەر ايەل رەتىندە تانىلعان. ءبىراق بىلتىردان بەرى جەمقورلىق داۋىنا ءىلىنىپ، ونىڭ ەلدەگى بارلىق بيزنەس ورىندارى جابىلدى، بىرنەشە ارىپتەسى مەن دوسى سوتتالىپ، ءوزى تاشكەنتتەگى ۇيىندە "قاماقتا" وتىر.

قىركۇيەكتىڭ 8- كۇنى "گ. كاريموۆا" اتتى ادام وزبەكستاننىڭ باس پروكۋراتۋراسى جاريالاعان مالىمدەمەدە قىلمىستىق ءىستىڭ كۇدىكتىسى رەتىندە اتالدى.

لوكسليدىڭ سوزىنشە، گۇلنارا كاريموۆا "انىق ساياسي سەبەپ ءۇشىن قاماۋدا وتىر". ول كاريموۆانىڭ قامالۋىنا كەلەسى جىلدىڭ باسىندا وزبەكستاندا وتەتىن پرەزيدەنت سايلاۋىنىڭ تۇرتكى بولعانىن، بۇل ناۋقان كەزىندە گۇلنارانىڭ ونىڭ اكەسىنىڭ توڭىرەگىندەگىلەرگە قاتەر بولىپ كورىنۋى مۇمكىن ەكەنىن ايتتى.

"گۇلنارا كاريموۆانىڭ بۇگىنگى وزبەكستاندا ساياساتپەن اينالىسۋعا ەش قۇلقى جوق"، - دەدى لوكسلي.

وتكەن ايدا BBC جاريالاعان اۋديوفايلداردا گۇلنارا كاريموۆا ءوزى مەن قىزىنىڭ كۇتىمىن "يتتەن جامان" دەپ سيپاتتاعان.

nur.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى