كۇنشىعىس ەلىنىڭ كەسكىندەمە ونەرى - فوتو
ولار ءاۋ باسىندا شي مەن جىبەك ماتاعا سالىنعان سۋرەتتەر مەن كەسكىندەر، ورنەكتەر مەن ناقىشتار، البومداعى جاپىراقتار مەن جەلپۋىشتەر، تىك جانە كولبەۋ بۇلاما قاعازدار مەن شيىرشىقتار، نراۆيۋرا مەن ستانوكتى كارتينالار تۇرىندە پايدا بولعان. سونىمەن بىرگە، جاپون كەسكىندەمەسى ءوزىنىڭ سان الۋان ستيلىمەن جانە جانرلارىمەن ەرەكشەلەنەدى. ولاردىڭ ءتۇرى مەن باعىتتارى وتە كوپ.
جاپون كەسكىندەمەسىندە X عاسىردان ياموتا دەپ اتالاتىن باعىت ەرەكشە ءبولىنىپ شىعا باستادى. ونىڭ بۇلاما قاعازعا سالىنعان راسىمدەر تۇرىندەگى كارتينالارى ءارتۇرلى ادەبي تۋىندىلارعا اشەكەي ءارى كوركەمدەۋشى رەتىندە پايدالانىلدى. سول داۋىرلەردىڭ كەسكىندەمە تۋىندىلارى قوڭىرقاي، كوگىلدىر كولوريتتەگى كەيىپكەرلەردىڭ ەلەگيالى- مۇڭدى كوڭىل- كۇيلەرىنىڭ كەسكىندەرىن اشىپ كورسەتۋگە كۇش سالدى. كەيىن ياماتو - ۇلتتىق كەسكىندەمەسى مۇرالارى شيىرشىق قاعازداردان، جەلپۋىشتەردەن، اعاش جاقتاۋلاردان كورىنەتىن بولدى.
XIV عاسىردا ومىرگە سۋمي- دەگەن ستيل كەلدى. كەسكىندەمەنىڭ بۇل ءتۇرى اكۆارەلگە ۇقساس كەلەتىن ەدى. ءبىراق وندا بوياۋ رەتىندە ءبىر عانا قارا ءتۇس قولدانىلدى، سونداي-اق تۋشتىڭ سۋعا ارالاستىرىلعان سۇرعىلت ءتۇسىنىڭ گاممالارى پايدالانىلدى. XVII عاسىردىڭ ءبىرىنشى جارتىسىندا جاپون سۋرەتشىلەرى ۋكيە دەپ اتالاتىن باعىت بويىنشا گەيشالاردى، كابۋكي تەاترىنىڭ اكتەرلەرى مەن پەيزاجداردى اعاشقا گراۆيۋرا تاسىلىمەن باسىپ شىعارۋعا كىرىستى. ۋكيە گراۆيۋراسىنىڭ XVIII عاسىردا ەۋروپا ونەرىنە اسەرى «ياپونيزم» دەپ اتالدى. شامامەن 1915-جىلدارى جاپوننىڭ ءداستۇرلى گراۆيۋراسى شين حانگا جانە سوساكۋ حانگا دەپ اتالاتىن ەكى باعىتقا ءبولىندى.
ءبىز تومەندە شين حانگا باعىتىندا سالىنعان كارتينالاردى وقىرمان نازارىنا ۇسىنىپ وتىرمىز.
رۋسلان يگىلىك
egemen.kz
