وليمپيادادا قازاقستاندىق جۇزگىش التىن مەدالعا قول جەتكىزدى

ەڭ ۇلكەن ولجانى ەل قورجىنىنا الماتىلىق جۇزگىش رومان سكورلۋپين سالدى.

ونىڭ ارىپتەسى قۋانىش نوعايبايەۆ مارە سىزىعىنا بەسىنشى بولىپ جەتتى. ايەلدەر اراسىندا سۋدا جۇزۋدەن وتكەن باسەكەدە قولا جۇلدەنى گۋزال گيباتۋللينا جەڭىپ العان ەدى.

ونىمەن بىرگە سىنعا تۇسكەن ايجان قاليبەكوۆا ءتورتىنشى كەلدى.

الدا وليمپيادانىڭ ءالى بىرنەشە كۇنى بار. ازىرگە قورجىنىمىزدا ءبىر التىن، ءبىر قولا جانە توپتىق سايىستا جەڭىپ العان ءبىر كۇمىس مەدال بار.

رومان سكورلۋپين، 2014 - جىلعى ەۋروپانىڭ ارنايى جازعى وليمپيادالىق ويىندارىنىڭ چەمپيونى:

- باستا قازاقستان ءۇشىن التىن الۋىم كەرەك دەگەن جوسپارىم بولدى. مىنە سول ناتيجە بار. جارىس تاپسىرماسىن 125 پايىزعا ورىنداپ شىقتىم.

نيكولاي يلين، جۇزۋدەن قازاقستان قۇراماسىنىڭ باس باپكەرى:

- سپورتشىلارىمىزدىڭ كورسەتكىشتەرىنە كوڭىلىمىز تولىپ جاتىر. سۋدا جۇزۋشىلەرىمىزدىڭ بارلىعى دا ءوز ۋاقىتىندا جاقسى ناتيجە كورسەتتى. دەگەنمەن، الدىمىزدا ءالى ارنايى قاشىقتىقتا وتەتىن جارىستار بار. سول سەبەپتى، مەنىڭ ويىمشا ءالى الاتىن مەدالدارىمىز بار.

24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى