الماتىعا ادەمى ءان ارناپ اۆتوكولىك ۇتىپ ال
بايقاۋ پروديۋسەرى كونستانتين كوروتكوۆ اتاپ وتكەندەي، جىل سايىن وتكىزىلەتىن مادەني شارا الماتى تۋرالى جاڭا اندەردىڭ تۋىنداۋىنا سەپتىگىن تيگىزىپ، قازىرگى سازگەرلەر مەن ءان ءسوزىن جازاتىن اقىنداردىڭ شىعارماشىلىق قابىلەتتەرىن شىڭداي تۇسپەك.
ايتا كەتەيىك، بۇل شارا وسىمەن 6- رەت وتكىزىلىپ وتىر. ونىڭ قاتىسۋشىلارىنا قويىلاتىن باستى تالاپ - بۇرىن ەش جەردە ايتىلماعان الماتى تۋرالى اندەردى قازاق، ورىس نەمەسە اعىلشىن تىلىندە جاندى داۋىسپەن شىرقاۋ. ماسەلەن، بۇرناعى جىلى جەڭىمپاز اتانعان كۇمىس بازاربايەۆتىڭ «Almaty» ءانىنىڭ قازاق جانە اعىلشىن تىلدەرىندەگى ءماتىنى ءوزارا تاماشا ۇيلەسىم تاپقان.
«كىم ءبىلسىن، بيىل مۇمكىن الماتىنىڭ مۋلتيمادەنيەتتى قالا ەكەندىگىن پاش ەتەتىن بىردەن ءۇش تىلدە جازىلعان ءاندى ەستيتىن شىعارمىز»، - دەيدى ك. كوروتكوۆ.
سونداي-اق بايقاۋ پروديۋسەرى ءداستۇر بويىنشا شارا اياسىندا قازاقستاندىق ەسترادا جۇلدىزدارىنىڭ كونسەرتى وتەتىنىن حابارلادى.
