قاراۋسىز جاتقان ءسابيدى قۇتقارعان دارىگەر جۇمىستان قۋىلۋى مۇمكىن
بۇل جونىندە جەرگىلىكتى باسىلىمعا دارىگەردىڭ ارىپتەستەرى حابارلاعان.
«مۇنايلى اۋداندىق اۋرۋحاناسىنىڭ باسشىلىعى دوسىمىزعا العىس جاريالاۋدىڭ ورنىنا، قىزمەتتەن قۋماقشى»، - دەيدى ولار.
ەستەرىڭىزدە بولسا، اۋلادا كۇننىڭ استىندا قاراۋسىز جاتقان ءسابيدى دارىگەر كورشىسى بايقاپ، پوليتسيانىڭ كومەگىمەن اۋرۋحاناعا جەتكىزگەن بولاتىن. وندا 10 ايلىق بالانىڭ بۇلشىق ەتتەرى السىرەپ، باسى مەن بەتىنىڭ ىسكەنى انىقتالعان.
ال جۋىلماي جاتا بەرگەننەن جامباسى تەسىلىپ، ىرىڭدەي باستاپتى. وبلىستىق دەنساۋلىق ساقتاۋ باسقارماسىنىڭ ماماندارى بولسا، بۇل ءىستى ارنايى كوميسسيا زەرتتەپ جاتقاندىعىن حابارلادى. ولار سايكەسىنشە، ەمحانا باسشىلىعىن جاۋاپقا تارتىپتى، دەپ حابارلايدى جەتىنشى ارنا.
بالانى قۇتقارعانىمەن، وزدەرىنىڭ جاۋاپسىزدىعىن «اشكەرلەگەن» فەلدشەردى ەمحانا باسشىلىعى ەندى جۇمىستان قۋماق كورىنەدى.
