وقۋشىلارعا ارنالعان «جاس ۇلان» ۇيىمىنىڭ جاڭالىعى

 «Zhas Card» جوباسى پلاستيكالىق كارتا تۇرىندە ۇسىنىلادى. ول جەڭىلدىكتەردى، بانكتىك قوسىمشانى، GPS-ءتى قامتيتىن بولادى. اتاپ ايتقاندا، بۇل امبەبەپ قۇرال قازىرگى زامانعى قازاقستاندا وقۋشىنىڭ الەۋمەتتىك مارتەبەسىن كوتەرۋگە كومەكتەسەدى»، - دەدى د. ءسادۋاقاسوۆا.

ونىڭ سوزىنە قاراعاندا، ينۆەستورلار تابىلعان جاعدايدا، جوبا جۇزەگە اسىرۋعا دايىن تۇر. قاجەتتى قارجى سوماسى كارتانى شىعارۋ كولەمىنە بايلانىستى بولادى.

«جوسپار بويىنشا ءبىرىنشى كەزەڭدە ءبىز كارتالاردى استانادا ىسكە قوسپاقپىز، وسى ورايدا 6 مىڭعا جۋىق وقۋشىنى تارتۋدى جوسپارلاپ وتىرمىز. ءبىر كارتانى شىعارۋ 1,5 مىڭ تەڭگەگە جۋىق قارجىنى قۇرايدى. بۇل جوبا جۇمىس ىستەۋ ءۇشىن 4,4 ميلليون تەڭگە كەرەك. بۇدان كەيىن جوبا ءوزىن قارجىلاندىرۋ دەڭگەيىنە شىعا الادى»، - دەدى ول.

سونىمەن قاتار، د. ءسادۋاقاسوۆا بۇل كارتالار وقۋشىلار اراسىندا تەگىن تاراتىلاتىنىن اتاپ ءوتتى.

«كارتا ارقىلى بالالار اسحاناداعى تاماقتانۋ اقىسىن تولەي الادى جانە كىتاپ ساتىپ الۋ سەكىلدى وپەراتسيالاردى، سونداي-اق وزگە دە تولەمدەردى جۇرگىزە الادى. بۇدان بولەك، كارتا جوعالعان كەزدە نەمەسە اتا-انالارى بالالارىن ىزدەپ قالسا، وندا ورناتىلعان GPS ارقىلى كارتانى جانە ونىڭ يەسىن تاۋىپ الۋعا بولادى»، - دەدى ول.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى