جەر قويناۋىن پايدالانۋ تۋرالى كودەكس الداعى جىلى قابىلدانۋى ىقتيمال

بۇل تۋرالى كەشە ورتالىق كوممۋنيكاتسيالار قىزمەتىندەگى بريفينگتە «تاۋ-كەن ءوندىرۋشى جانە كەن-مەتاللۋرگيا كاسىپورىندارىنىڭ رەسپۋبليكالىق قاۋىمداستىعى» زاڭدى تۇلعالار بىرلەستىگىنىڭ اتقارۋشى ديرەكتورى، ق ر ۇلتتىق كاسىپكەرلەر پالاتاسى كەن-مەتاللۋرگيا كەشەنى كوميتەتىنىڭ ءتوراعاسى نيكولاي رادوستوۆەتس ءمالىم ەتتى.

«ۇكىمەت جەر قويناۋىن پايدالانۋ جونىندەگى جاڭا كودەكس جوباسىنا باسىمدىق بەرەتىنىنە ۇلكەن ءۇمىت ارتامىز. وسى سالاداعى بيزنەسمەندەر جەر قويناۋىن پايلالانۋ تۋرالى جان-جاقتى قامتىلعان قۇجاتتىڭ بولعانىن قالايدى. ۇلتتىق كاسىپكەرلەر پالاتاسى وسى كودەكستىڭ تۇجىرىمداماسىن ازىرلەپ شىقتى. ەندى، 2015-جىلى بۇل كودەكس قولدانىسقا ەنەدى دەگەن سەنىمدەمىز»، - دەيدى ن. رادوستوۆەتس.

ونىڭ سوزىنە قاراعاندا، كودەكستە كوپتەگەن ۇدەرىستەردى بۇگە-شىگەسىنە دەيىن قامتۋ ماڭىزدى. سونىڭ ىشىندە شەتەلدىك ينۆەستورلار ءۇشىن «ءبىر تەرەزە» قاعيداتى دا قاراستىرىلۋى شارت.

«بۇگىنگى زاماننىڭ ءوزى كۇردەلى. قازاقستانعا ءتۇرلى فاكتورلار اسەر ەتىپ تە جاتىر. وسىعان بايلانىستى، قول قۋسىرىپ وتىرۋ، تالقىلاپ قانا قويۋ - بۇل دۇرىس ەمەس. سوندىقتان دا، مەن بارلىق بيزنەسمەندەردى ۇلتتىق كاسىپكەرلەر پالاتاسىنا قوسىلۋعا شاقىرامىن. ءبىز بىرلەسە وتىرىپ، ماسەلەلەردىڭ ءبارىن تالقىلاپ، ۇكىمەتپەن قويان-قولتىق جۇمىس ىستەۋگە ءتيىسپىز»، - دەيدى ن. رادوستوۆەتس.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى