استانالىق وقۋشىنىڭ قايتىس بولۋ سەبەبى انىقتالدى
"№76 مەكتەپ-ليتسەيدىڭ 201-كابينەتىندە 8-سىنىپتىڭ ەكى وقۋشىسى اراسىندا ۇرىس بولعان. سالدارىنان ءبىرى ەكىنشىسىنىڭ كەۋدەسىنە بەلگىسىز وتكىر زات تىعىپ العان. وقيعا ورنىنا جەتكەن جەدەل جاردەم بريگاداسى بالانىڭ قايتىس بولعاندىعىن تىركەگەن. ولىمگە باستى سەبەپ - اۋىر جاراقات جانە كوپ مولشەردە قان جوعالتۋ" دەدى پروكۋراتۋرا قىزمەتكەرى.
ول سونداي-اق، سوت-مەديتسينالىق ساراپتامانىڭ جۇرگىزىلەتىندىگىن دە مالىمدەدى. ساراپتاما ءولىمنىڭ ناقتى سەبەپتەرىن تاعى انىقتاپ بەرمەك.
قازىر اۋداندىق پروكۋراتۋرا تاراپىنان وقيعانىڭ ءمان-جايى تولىققاندى زەرتتەلىپ جاتىر.
ەستەرىڭىزگە سالا كەتەيىك، كەشە تاڭەرتەڭگى ساعات ون شاماسىندا استاناداعى №76 مەكتەپ-ليتسەيدە ەكى وقۋشى ەرەگىسىپ قالىپ، ءبىرى ەكىنشىسىنىڭ كەۋدەسىنە قالامساپ تىعىپ العاندىعى حابارلانعان بولاتىن. وقيعا تاريح ءپانى كەزىندە ورىن العان.
سالا ماماندارى قازىر قىلمىس قۇرالىنىڭ قالامساپ نە باسقا زات بولعانىن انىقتاپ جاتىر.
Baq.kz
