استاناعا «جاپونيانىڭ سۇلۋلىق الەمى» كەلدى
كورمە، مۋزەيدىڭ «مادەني ۇندەسۋ» حالىقارارالىق جوباسى اياسىندا تاريحي ساباقتاستىق، قازاقستانداعى جاپونيا ەلشىلىگىمەن كوپ جىلعى تابىستى ەڭبەكتىڭ ارقاسىندا ۇيىمداستىرىلىپ وتىر.
توموكو حوۋكە - جاپوندىق كلاسسيكالىق كەسكىندەمەنىڭ ءىزباسارى جانە ءداستۇرلى جاپون كوركەمونەر مەكتەبىنىڭ ميراسقورى.
«نيحونگا» كەسكىندەمەسى (ونىڭ دالمە-ءدال اۋدارماسى - جاپوندىق كەسكىندەمە) - بۇل تاسىلدەر مەن جانرلاردى كەڭ كولەمدە قامتيتىن جاپونيانىڭ بەينەلەۋ ونەرىنىڭ ەجەلگى جانە تاڭداۋلى تۇرلەرىنىڭ بىردەن ءبىرى.
VIII عاسىردان بۇگىنگى كۇنگە دەيىنگى جازىلعان، ۇلتتىق كەسكىندەمەلەردىڭ بارلىعىن، بۇگىندە جاپونيادا «نيحونگا» سوزىمەن اتايدى.
جالپى جاپون كەسكىندەمەسىنە كۇندەلىكتى تۇرمىس پەن جىلدىڭ ءتورت مەزگىلىنىڭ ءوزارا تىعىز بايلانىسى ءتان. سوندىقتان دا جاپون مادەنيەتىنىڭ ەرەكشەلىگى بولىپ كورىنەتىن ادەتتە تابيعاتتىڭ سۇلۋلىعىن، ماۋسىمنىڭ ءار تۇرلەرىن، قۇستاردى بەينەلەۋى، جاپونيادا جىلدىڭ ءتورت مەزگىلىنىڭ اۋىسۋى، كوپتەگەن جاپوندىق سۋرەتشىلەردىڭ ءوز جۇمىستارىندا ايقىن كورىنىس تاپقان.
اۆتوردىڭ ويىنشا، قورشاعان ورتامەن ءوزارا تىعىز بايلانىستاعى ولاردىڭ ومىرىنە، تابيعاتتاعى وزگەرىستەر، جاھاندىق جىلىلىقتىڭ پايدا بولۋى، جاپوندىقتاردىڭ ءداستۇرلى مادەني ومىرىندەگى وقيعالارعا تەرىس ىقپال ەتەدى.
«...سۇلۋ دا اسەم جاپونيانى ساقتاۋ ماقساتىندا جانە جاپون كەسكىندەمە ونەرىنىڭ بارلىق ماڭىزدى ادىستەرىن ورىنداۋدى تۇسىنە وتىرىپ، مەن، جاپون مادەنيەتىندە قالىپتاسقان داستۇرلەرگە قۇرمەتپەن قارايتىن سۋرەتشىنىڭ جولىن جالعاستىرامىن...»، - دەيدى توموكو حوۋكە.
«جاپونيانىڭ سۇلۋلىق الەمى» كورمەسى سۋرەتشىنىڭ قازاقستانداعى العاشقى كورمەسى بولىپ تابىلادى. استانا قوناقتارى مەن تۇرعىندارى، ءبىر اي بويى ەجەلدەن قالىپتاسقان جاپوندىق ءداستۇرلى مانەردە ورىندالعان كەسكىندەمەلەرمەن تانىسۋدىڭ زور مۇمكىندىگىنە يە بولادى.
24 - قىركۇيەكتە توموكو حوۋكە «جاپونيانىڭ سۇلۋلىق الەمى» تۋرالى ءوزىنىڭ تۇسىنىگى مەن تاجىريبەسىن ءبولىسۋ ماقساتىندا، مۋزەيدىڭ جانىنداعى بەينەلەۋ ونەرى ستۋدياسىنىڭ وقۋشىلارىنا ارناپ شەبەرلىك ساعاتىن وتكىزەدى.
