قازاق ازاماتى ەلەكتر قۋاتىن بەرەتىن قۇرىلعى ويلاپ تاپتى

قولىنان شىققان دۇنيەنى «جاڭاباتىر» دەپ اتاپتى.

ارتىقشىلىعى سول جەلدەن ەلەكتر ەنەرگياسىن وندىرەدى. كيىز ءۇيدىڭ پىشىنىنە ۇقساس جاسالعان قۇرىلعى شاعىن بولعانىمەن، ەلەكتر قۋاتىن بەرەتىن كۇشى كوپ دەيدى اۆتور. زەينەتكەر قوندىرعىنىڭ جوباسىن 1996 - جىلدان بەرى جۇزەگە اسىرا الماي كەلە جاتقانىن ايتادى. ءدال قازىر شىمكەنتتەگى زاۋىتتاردىڭ بىرىندە نەگىزگى نۇسقاسى جاسالۋدا.

وتاندىق ينۆەستورلار قارجى قۇيىپ، سىناقتان وتكىزىپ بەرەمىز دەپ ۋادە بەرگەنىنە دە ءبىراز ۋاقىت ءوتىپتى. الايدا مۇنداي جەلدەن قۋات كوزىن وندىرەتىن قۇرىلعىلار ەۋروپا ەلدەرىندە بۇرىننان بار. ءبىراق كيىز ءۇي پىشىندەس جاڭا قۇرىلعىنىڭ ەشبىر بالاماسى جوق.

ەگەر قۋات كوزىنە سۇرانىس ارتسا، مۇنىڭ دا كولەمىن ۇلكەيتۋگە بولادى دەيدى ونەرتاپقىش. شەبەر بۇل تۋىندىسىن ەكسپو كورمەسىنە ۇسىنۋدى جوسپارلاپ وتىر.

Baq.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى