قازاقستاننىڭ قاۋىنى گەرمانيادا سۇرانىسقا يە بولىپ وتىر

وڭتۇستىكتەن گەرمانياعا كوشىپ بارعان ازاماتتار ارقىلى ولارمەن العاش ىسكەرلىك بايلانىس ورناتقان ارتىق شارۋا قوجالىعى وسىرگەن مىرزاشول قاۋىندارىن سوندا اپارىپ ۇسىنعان ەكەن. ءتىل ۇيىرەر ءتاتتى قاۋىنداردى نەمىستەر قاتتى ۇناتىپ قالىپ، بۇل كۇندەرى اتالمىش ونىمگە دەگەن سۇرانىستى دا ارتتىرا تۇسكەنگە ۇقسايدى.

«ءبىرىنشى گەرمانياعا شىعارعاندا كوپ اپارا المادىق، از اپاردىق. ال ەندى قازىر ۇيرەنىپ الدى گەرمانيا دا. بۇرىنعىداي 5-6 ماشينا ەمەس، قازىر 20-30 ماشينا الىپ جاتىر»، - دەدى ماقتارال اۋدانى «قارشىعا» شارۋا قوجالىعى جەتەكشىسى ارتىق اقتورەيەۆ.

1996-جىلدان بەرى قاۋىن ءوسىرىپ كەلە جاتقان شارۋاشىلىق گەرمانيانىڭ شتۋتگارت قالاسىنداعى «لۋگانوۆو» فيرماسىمەن كەلىسىمگە وتىرعان. مۇزداتقىشى بار زاماناۋي شەتەل كولىكتەرىن 5 مىڭ ەۋروعا جالداپ اپارعان مىرزاشول قاۋىنىن نەمىستەر كەلىسىن 1 ەۋرودان ساتىپ الۋدا. دۇكەندەرىندەگى ساتىلۋ باعاسى 1.79 ەۋرو ەكەن.

وسىلايشا، ەل ىشىندە «تورپەدو» اتانىپ كەتكەن مىرزاشول قاۋىندارى باتىس ەۋروپاعا دا جول تارتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى