مينيستر استاناداعى مەكتەپتە قايتىس بولعان بالانىڭ اتا-اناسىنا كوڭىل ايتتى

ەسكە سالا كەتەيىك، استاناداعى 76№ ورتا مەكتەپتە قايعىلى جاعداي ورىن العان ەدى: ەكى وقۋشى ءوزارا كەرىسىپ، جانجال بارىسىندا بىرەۋى ەكىنشىسىنىڭ كەۋدە تۇسىنا قالاممەن قاتتى سوققى جاساعان. جاراقات سالدارىنان 8 سىنىپ وقۋشىسى وقيعا ورنىندا قايتىس بولعان.

«بىرىنشىدەن، بۇل - ۇلكەن تراگەديا، سوندىقتان بالانىڭ اتا-اناسىنا، تۋىستارىنا كوڭىل ايتقىم كەلەدى. قازىر تەرگەۋ ءجۇرىپ جاتىر، سوندىقتان دا تەرگەۋ اياقتالعانشا بىردەڭە ايتا قويۋ قيىن. مەكتەپ باسشىلىعىنا، مۇعالىمدەرگە كەلەتىن بولساق، قازىر ارنايى كوميسسيا قۇرىلعان. ول وقيعانى تياناقتى تۇردە قاراپ، شەشىم قابىلدايتىن بولادى. ال قابىلدانعان شەشىم تۋرالى الداعى ۋاقىتتا حاباردار ەتەمىز. سوندىقتان دا، قۇزىرلى ورگاندار جۇمىسى اياقتالمايىنشا، مەن تۇسىنىك بەرۋدەن باس تارتا تۇرامىن»، - دەدى اسلان ءسارىنجىپوۆ پارلامەنت ءماجىلىسىنىڭ جالپى وتىرىسىنان سوڭ جۋرناليستەرگە بەرگەن سۇحباتىندا.

توقتالا كەتەتىن جايت، اتالعان فاكتى بويىنشا قىلمىستىق ءىس قوزعالىپ، تەرگەۋ امالدارى جۇرگىزىلۋدە.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى