قىتايدا قازاقستاندىق وتباسى تايفۋننان قۇتقارىلدى
ءتورت قازاقستاندىق داۋىل حاينان ارالىنا جەتكەن كەزدە حايكوۋ قالاسىنىڭ اكىمشىلىك ورتالىعىنا جاقىن جەردە بولعان.
قازاقپارات تىلشىسىنە نازىم ىسقاقوۆا بىلاي دەدى: ءبىز توقتاعان قوناقۇيدى تولىقتاي سۋ باسىپ كەتتى، قيراپ جاتىر. قازاقستاندىق ديپلوماتتاردىڭ ۋاقتىلى كومەگىنىڭ ارقاسىندا وتباسىمىز قاۋىپسىز جەرگە كوشىرىلدى، باسقا قوناقۇيدەن ورىن بەردى.
ىسقاقوۆا ارالدان اۋە قاتىناسى اشىلعان ۋاقىتتا بىردەن قازاقستانعا قايتا ورالاتىندارىن ايتتى.
قىتايداعى ق ر ەلشىلىگىندە قازاقستان ازاماتتارىنا كومەك كورسەتۋ ءۇشىن «جەدەل جەلى» اشىلدى. قايتىس بولعان نەمەسە زارداپ شەككەن وتانداستارىمىز تۋرالى دەرەكتەر ازىرگە تۇسكەن جوق.
«كالمەدجي» تايفۋنى وتكەن سەيسەنبىدە حاينان كۋرورتتىق ايماعىن قيراتتى. اعىمداعى جىلى قىتايدا مۇنداي جويقىن نوسەرلى داۋىل 15- رەت ورىن الۋدا. ارالدان 20 مىڭعا جۋىق ادام قاۋىپسىز جەرگە كوشىرىلدى.
تايفۋن سالدارىنان قىتايدا ەڭ جوعارى قاۋىپ دەڭگەيى (قىزىل دەڭگەي) جاريالاندى. ەلدە كوك، سارى، سارعىلت، قىزىل تۇستەرمەن بەلگىلەنگەن اپات تۋرالى ەسكەرتپەنىڭ ءتورت دەڭگەيلى جۇيەسى قابىلداندى.
