ماسكەۋ-استانا پويىزىنان جارىلعىش زات تابىلدى

 ونىڭ مالىمەتىنشە، «قايراق» تەمىرجول بەكەتىندە شەكاراشىلار 71№ پويىزدىڭ 6-ۆاگونىنان تۇتىندەتكىش قۇتىنى تاپقان.

ورتكە قارسى كۇرەس ءبولىمىنىڭ جەكە قۇرامى ساعات 19:00 دە دابىل بويىنشا اياعىنان تىك تۇردى. «جەدەل توپ شاقىرىلعان جەرگە كەلدى. ۆاگونداعى ادامدار قاۋىپسىز جەرگە كوشىرىلدى. 6№ ۆاگون نەگىزگى قۇرامنان اجىراتىلىپ، قورشاۋعا الىندى»، - دەپ حابارلادى وبلىستىق توتەنشە جاعدايلار دەپارتامەنتىنىڭ باسپا ءسوز قىزمەتى. وقيعا ورنىندا ۇ ق ك، ا ءى ءى ب، پروكۋراتۋرا، ج ءى ءى ب، شەكارا قىزمەتى ماماندارى دا جۇمىس ىستەدى.

جارىلعىش زات تابىلعان جەرگە قوستاناي وبلىستىق ءى ءى د باستىعىنىڭ ورىنباسارى دا كەلدى. ساپەرلەر تۇتىندەتكىش قۇتىنىڭ ەشقانداي قاۋىپ توندىرمەيتىنىن انىقتادى.

بۇعان دەيىن شىمكەنتتەگى قۇرىلىستاردىڭ بىرىندە جارىلعىش زات تابىلعان بولاتىن. جۇمىسشىلار ءبىر مەتر تەرەڭدىكتەن مينا تاپقان. بۇل وقيعا بويىنشا «قارۋدى، وق-دارىلەردى، جارىلعىش زاتتاردى جانە جارىلعىش قۇرىلعىلاردى زاڭسىز ساتىپ الۋ، بەرۋ، وتكىزۋ، ساقتاۋ، تاسىمالداۋ نەمەسە الىپ ءجۇرۋ» بابىمەن قىلمىستىق ءىس قوزعالدى. تابىلعان مينا ءتيىستى راسىمدەردەن سوڭ پوليگونداردىڭ بىرىنە زالالسىزداندىرۋعا شىعارىلدى.

Tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى