الىپ ادامنىڭ سۇيەگى تابىلدى
زەرتتەۋ جۇرگىزىپ جاتقان عالىمداردىڭ ايتۋىنشا، ءمايىتتىڭ باسىندا ءتاجى جانە جانىندا قىلىشى جانە مىستان جاسالعان ايناسى بولعان. ارحەولوگتار مولانى كونە قالاشىق ورنىندا ەكى ايدان بەرى جۇرگىزىلىپ جاتقان قازبا جۇمىستارىنىڭ بارىسىندا تاۋىپتى.
فارحور اۋدانى مۋزەيىنىڭ ديرەكتورى ازيزۋللو مۇراتوۆتىڭ ايتۋىنشا، تابىلعان سۇيەك تاجىكستاننىڭ عىلىم اكادەمياسىنا زەرتتەۋ ءۇشىن جىبەرىلگەن. مۇندا ونىڭ قاي كەزەڭگە تيەسىلى ەكەنى انىقتالادى.
عالىمداردىڭ سوزىنە سەنسەك، 2,5 مەترلىك ادام ءوز زامانىندا قۇرمەتتى جاۋىنگەر نەمەسە قولباسشى بولعان. ونىڭ جانىنان تابىلعان جادىگەرلەر وسىنىڭ ايعاعى دەيدى ولار.
ال مولادان شىققان بۋددا مۇسىندەرى - قازىرگى تاجىكستان اۋماعىندا بۋدديزمنىڭ وركەندەگەنىنىڭ ايعاعى. ارحەولوگتاردىڭ ايتۋىنشا، مۇسىندەردىڭ جاسالۋ كەزەڭى ءبىزدىڭ زامانىمىزعا دەيىنگى ۋاقىتقا تيەسىلى.
