الماتى وبلىسىنداعى بۇكىلالەمدىك بوكس اكادەمياسىنا ا ي ب ا پرەزيدەنتى كەلدى
ا ي ب ا باسشىسى جاڭا APB جوباسىنا قاتىساتىن بوكسشىلارمەن كەزدەسىپ، وقۋ- جاتتىعۋ كەشەنىن: قوناق ءۇيدى، جاتتىعۋ زالدارىن، وقۋ اۋديتوريالارىن جانە باسقا دا نىسانداردى ارالاپ شىقتى.
چينگ- كۋو ۆۋ مىرزانىڭ اكادەمياداعى اتقارىلىپ جاتقان جۇمىستارعا كوڭىلى تولدى. وسىدان كەيىن ا ي ب ا پرەزيدەنتى سپورتشىلارمەن قىسقاشا اڭگىمە وتكىزدى.
- الەمنىڭ ەڭ ۇزدىك بوكسشىلارىمەن كورىسكەنىمە قۋانىشتىمىن، - دەدى ءوز سوزىندە چينگ- كۋو ۆۋ مىرزا، - بۇكىلالەمدىك بوكس اكادەمياسى - ا ي ب ا قولاستىنداعى سپورتشىلار مەن مامانداردىڭ ءوز بىلىكتىلىكتەرىن ارتتىراتىن ورىن. اكادەميانى قازىرگى زامانعى ساۋلەت ونەرىنىڭ بەتكە ۇستار نىسانى دەۋگە بولادى. وسى كەشەندى سالعانى ءۇشىن قازاقستاننىڭ بوكس فەدەراتسياسىنا العىسىمدى بىلدىرەمىن. ءبىر ايعا جەتەر- جەتپەس ۋاقىتتان كەيىن ا ي ب ا- نىڭ جاڭا APB جوباسى باستالادى. ەندى پرو- بوكسينگ سايىستارىنا سىزدەر تىڭعىلىقتى دايىندالۋلارىڭىز كەرەك. بارلىق جايتتاردى ەسكەرىڭىزدەر» .
ءوز كەزەگىندە قازاقستاننىڭ بوكس فەدەراتسياسىنىڭ اتقارۋشى ديرەكتورى بەكجان بەكتەنوۆ سپورتشىلاردى جاڭا كەشەنمەن قۇتتىقتادى.
«ا ي ب ا- نىڭ ۇلكەن وتباسىن ءوز ۇيلەرىنە قول جەتكىزگەندەرىمەن قۇتتىقتايمىن! حالىقارالىق اۋەسقوي بوكس قاۋىمداستىعىنا جانە ۆۋ مىرزاعا سەنىم بىلدىرگەندەرى ءۇشىن العىسىمدى بىلدىرەمىن. APB جوباسى ۇلكەن جەتىستىكتەرگە جەتەدى دەگەن سەنىمدەمىن! بارلىقتارىڭىزعا ساتتىلىك تىلەيمىن!» - دەدى ب. بەكتەنوۆ.
بۇگىن بۇكىلالەمدىك بوكس اكادەمياسىنىڭ سالتاناتتى اشىلۋ ءراسىمى وتەدى. وعان چينگ- كۋو ۆۋ مىرزامەن قاتار، ق ر دەنساۋلىق جانە سپورت ءمينيسترى ارىستانبەك مۇحامەدي ۇلى، قازاقستان بوكس فەدەراتسياسىنىڭ پرەزيدەنتى تيمۋر قۇلىبايەۆ جانە باسقا رەسمي تۇلعالار قاتىسادى. اشىلۋ راسىمىنەن كەيىن APB- ءدىڭ العاشقى ماۋسىمىنىڭ جەرەبەسى تارتىلادى.
اۆتور: جاپپاربەرگەن ايبوتا
