استاناعا كۇزدە كەلەتىن اۆتو كەرۋەندەر پوليسەيلەردىڭ قورعاۋىنا الىندى
ايتا كەتەيىك، جىل سايىن قالالىق اكىمدىكتىڭ باستاماسىمەن ءداستۇرلى تۇردە اۋىل شارۋاشىلىعى ونىمدەرىنىڭ جارمەڭكەلەرى ۇيىمداستىرىلادى.
«استانا قالاسى ءى ءى د اكىمشىلىك پوليسيا باسقارماسىنىڭ مالىمەتى بويىنشا، اۋىل شارۋاشىلىعى جارمەڭكەلەرى كەزىندە قۇقىق قورعاۋشىلار فەرمەرلەردىڭ ونىمدەرى تيەلگەن اۆتوكەرۋەندەردى ءىس- شارا وتكىزىلەتىن ورىندارعا جەتكىزىپ وتىرۋ مىندەتىن مويىندارىنا الدى» ، - دەلىنگەن قالالىق ءىىد مالىمەتىندە.
اتاپ ايتقاندا، اعىمداعى جىلدىڭ 20 - قىركۇيەگىنەن باستاپ 2 - قاراشاعا دەيىن ەلوردالىق ءى ءى د ءا پ ب جول- پاترۋلدىك پوليتسيا ەكيپاجدارى اۋماقتىق ءى ءى و پوليسەيلەرىمەن الىپ كەلگەن اۋىل شارۋاشىلىعى ونىمدەرىنىڭ اۆتوكەرۋەندەرىن ەلورداعا كىرەبەرىستەگى «رۋبەج» قوسىندارىنان قارسى الىپ، قالالىق اكىمدىكتىڭ الاڭىنا الىپ كەلەدى.
«ۇرلاۋ، بوپسالاۋ، توناۋ جانە باسقا دا تەرىس ارەكەتتەردىڭ الدىن الۋ ماقساتىندا پوليتسيا قىزمەتكەرلەرى جارمەڭكە وتەتىن ورىنداردا قوعامدىق ءتارتىپتى قامتاماسىز ەتەدى» ، - دەپ اتاپ وتىلگەن حابارلامادا.
