قازاقستان مەن قىرعىزستان دەلەگاتسيالارى ماسكەۋدە ۇلى وتان سوعىسىندا قازا بولعان بوزداقتارعا تاعزىم ەتتى - فوتو
دەلەگاتتار تاعزىم تاۋىنداعى ۇلى وتان سوعىسىنىڭ ورتالىق مۇراجايىندا بولىپ، ماڭگىلىك الاۋعا گۇل شوقتارىن قويدى.
«ءبىزدىڭ اتالارىمىز حالىقتار دوستىعىنىڭ ارقاسىندا ماسكەۋ تۇبىندە فاشيست اسكەرلەرىن تالقاندادى. 1941-جىلى ماسكەۋ تۇبىندەگى اۋىر قورعانىس ۇرىستارىنا قازاقستاندا جاساقتالعان بەس ديۆيزيا قاتىستى. جەڭىستى جول ماسكەۋدەن باستالدى»، - دەدى اكسيا جەتەكشىسى گەنەرال-مايور مارات ماردەنوۆ.
«بۇل سوعىس الەمنىڭ ەسىندە. بۇل سوعىستا جارقىن بولاشاق ءۇشىن شايقاسقان ءبىزدىڭ اتالارىمىز مەرت بولدى. سوندىقتان دا وزدەرىنىڭ اسكەري پارىزىن ابىرويمەن ورىنداعان قازاقستاندىق جاۋىنگەرلەردىڭ ۇلگىسىندە جاس ۇرپاقتى پاتريوتيزمگە تاربيەلەۋ ماقساتىندا ءبىز وسى پاتريوتتىق اكسيانى وتكىزىپ وتىرمىز»، - دەدى ق ر پارلامەنتىنىڭ دەپۋتاتى، حالىق قاھارمانى باقىتجان ەرتايەۆ.
«ۇلى وتان سوعىسى باتىرلارىنىڭ اراسىندا كوپتەگەن قازاقتار بار. مىسالعا، باۋىرجان مومىش ۇلى، ءاليا مولداعۇلوۆا، راقىمجان قوشقاربايەۆ. ءبىز ءوزىمىزدىڭ باتىرلارىمىزدى ماقتانىش ەتۋگە ءتيىسپىز. ولاردىڭ ەرلىگى مەن جانقيارلىعىن ءبىز ەشقاشان ۇمىتپايمىز»، - دەپ اتاپ كورسەتتى ب. ەرتايەۆ.
