استانادا «قازاق قىزى» مادەني- يناباتتىلىق قىزدار ينستيتۋتى اشىلدى - فوتو

«قازاق قىزى» ق ب پرەزيدەنتى، ينستيتۋت جوباسىنىڭ اۆتورى قاراقات ابدەننىڭ ايتۋىنشا، وقۋ- تاربيەلىك ينستيتۋتتىڭ ماقساتى - قىزداردى وزىق ۇلگىدەگى قازاقي جانە ەۋروپالىق قوعامدىق- يناباتتىق داستۇردە تاربيەلەۋگە باعىتتالعان قىزمەتتى جۇزەگە اسىرادى.

«بۇل وتە قاجەتتى وقۋ ورنى. وسى يگىلىكتى باستاما قوعامىمىزعا پايداسىن كەلتىرەدى. بۇل ينستيتۋتتان ءتالىم الىپ شىققان قىزدار وزدەرىنىڭ يناباتتىلىعىمەن كوزگە تۇسەتىنىنە سەنىمدىمىن» ، - دەدى مادەني- يناباتتىلىق قىزدار ينستيتۋتىنىڭ اشىلۋى راسىمىندە ق ر پارلامەنتى سەناتىنىڭ دەپۋتاتى ءبىرعانىم ايتىموۆا.

مادەني- يناباتتىلىق قىزدار ينستيتۋتىنىڭ وقۋ- تاربيە باعدارلاماسىنا وقۋ ماتەريالدارىن ۇيىمداستىرۋدىڭ مودۋلدىك قاعيداتى نەگىز بولىپ وتىر. مودۋلدەر مىندەتتى جانە قوسىمشا ساباق بولىپ بولىنەدى. باعدارلاما بارلىعى 12 مودۋلدەن جانە 45 پاننەن تۇرادى. 1- توقساندا 5-8 مودۋل بويىنشا ساباق وتەدى.

 ءار جاستاعى توپ (8-9, 10-12, 13-15, 16-17 جاس) بەلگىلى ءبىر مودۋلدىك باعىتتا ساباق وقيدى. ساباق اپتاسىنا 3 رەت وتەدى.

 تاراتىلعان مالىمەتتەرگە قاراعاندا، اپتاسىنا ءبىر رەت بارلىق جاستاعى توپتارعا ارنالىپ تانىمال قايراتكەرلەردىڭ قاتىسۋىمەن ءدارىس ساباعى، شىعارماشىلىق كەزدەسۋ، قايىرىمدىلىق شارا، تاقىرىپتىق كەش سەكىلدى ورتاق ساباقتار ۇيىمداستىرىلادى. ءار ايدىڭ سوڭىندا كەشەندى شىعارماشىلىق ەمتيحان تاپسىرىلادى، سونداي- اق تولىق سيكلدىڭ سوڭىندا قىزدارعا سەرتيفيكات بەرىلەدى. 1 توقساندا 300 گە دەيىن قىز بالا وقيدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى