قازاقستاننان يادرولىق ماتەريالداردىڭ قولدى بولىپ كەتۋى ەش مۇمكىن ەمەس - ب. جاقساليەۆ

توقتالا كەتەتىن جايت، وتكەن اپتادا ت م د تەرروريزمگە قارسى ورتالىق باسشىسى اندرەي نوۆيكوۆ قازاقستاننىڭ يادرولىق زاتتاردى قامتاماسىز ەتۋىنە بايلانىستى سەنىمسىزدىك بىلدىرەتىندەي مالىمدەمە جاساعان ەدى. وسىعان بايلانىستى جۋرناليستەر ساۋالىنا ۆيتسە- مينيستر اتالعان مالىمدەمەنى «نەگىزسىز، فاكتىسى دە جوق» دەپ جاۋاپ بەردى.

«بىردەن ايتايىق، ءبىز بۇل ۇدەرىسكە بەلسەندى تۇردە قاتىسىپ كەلەمىز. مەملەكەتتىك ورگان رەتىندە ءبىزدىڭ مينيسترلىكتىڭ وسى ماسەلەگە قاتىسى بار. بۇعان دەيىن قابىلدانعان يادرولىق ماتەريالداردى قاداعالاۋ بويىنشا ۇكىمەت شەشىمدەرى قابىلدانعان. ءبىزدىڭ شارالارىمىزدىڭ ءبارى ترانسپارەنتتى، قازاقستان حالىقارالىق مىندەتتەمەلەردى تولىق ورىنداپ وتىر. ەڭ باستىسى ەشقانداي دا يادرولىق ماتەريالداردىڭ قولدى بولىپ كەتۋى مۇمكىن ەمەس» ، - دەدى ب. جاقساليەۆ.

 بۇدان بولەك، ۆيتسە- مينيستر ماڭعىستاۋ وبلىسىنداعى ورىن العان راديواكتيۆتى سەزي كونتەينەرىنىڭ جوعالۋىمەن بايلانىستى وقيعاعا دا توقتالىپ ءوتتى. «ماسەلە، وسى فاكتى توڭىرەگىندە بولسا، وندا بۇل وقيعاعا قاتىستى ارنايى كوميسسيا جۇمىس ىستەپ جاتىر. شىندىعىندا، بۇل ادام نانعىسىز وقيعا، اسقان نەمقۇرايلىلىق. الايدا، بۇل باقىلاۋدىڭ ناشارلىعىن بىلدىرمەيدى» ، - دەدى ب. جاقساليەۆ.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى