قازاقستان رەسەيدەگى جانار- جاعارماي تاپشىلىعىنا بايلانىستى مۇناي ونىمدەرىن تۇركىمەنستان مەن ازەربايجاننان اكەلمەك

 بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن بريفينگتە ق ر ەنەرگەتيكا ۆيتسە- ءمينيسترى ۇزاقباي قارابالين ايتتى.

«قازمۇنايگاز» ءبىرقاتار كەلىسسوزدەر جۇرگىزدى، قازىردە ازەربايجاندىق «SOKAR» كومپانياسىنان جانە تۇركىمەنستاننان جانار- جاعارماي تاسۋ مۇمكىندىكتەرى تالقىلانىپ جاتىر»، - دەپ اتاپ ءوتتى ۆيتسە- مينيستر.

 ونىڭ ايتۋىنشا، رەسيدە قازىر جانارماي ەكسپورتتاۋ سالاسىندا ۇلكەن قيىندىق تۋىنداپ وتىر. ويتكەنى، جۋىردا «روسنەفت» كومپانياسىنا قاراستى اچينسك مۇناي وڭدەۋ زاۋىتىندا ۇلكەن اپات ورىن العان بولاتىن. سونىمەن قاتار، تاعى بىرنەشە رەسەيلىك زاۋىتتار ءوز جۇمىسىن توقتاتقان.

 «رەسەيدىڭ كەيبىر زاۋىتتارى كۇزدىك- جوسپارلىق جوندەۋ جۇمىستارىنا بايلانىستى جۇمىس ىستەمەي تۇر. بالانستا تۇرعان جانارمايىنىڭ دا جەتىسپەۋىنىڭ وزىندىك سەبەپتەرى بار دەپ ويلايمىز. سەبەبى ولاردىڭ جانارمايمەن قامتاماسىز ەتۋى ءتيىس وڭىرلەر پايدا بولدى. مەن بۇل جەردە قىرىمدى ايتىپ وتىرمىن. مىنە، وسىنداي جاعدايلارعا بايلانىستى بۇگىنگى تاڭدا رەسەي نارىعىندا شەتەلدەرگە، سونىڭ ىشىندە قازاقستانعا جانار- جاعارماي ەكسپورتتاۋ ماسەلەسىندە ءبىرقاتار قيىندىقتار تۋىندادى» ، - دەپ ءتۇسىندىردى ۆيتسە- مينيستر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى