استانا تۇبىندە العاش رەت الىپ بەكىرە ءوسىرىلدى
رەسەيدەن اكەلىنگەن بەكىرە شاباقتارى سوڭعى بىرنەشە ايدا 10 كيلوگرامعا دەيىن سالماق جيناعان. سول سەبەپتى الىپ بالىقتاردى اۋلاۋ ءۇشىن كاسپيگە بارۋدىڭ ەش قاجەتى جوق. ونىڭ ۇستىنە سوڭعى ۋاقىتتاردا ەلىمىزدە بەكىرە اۋلاۋعا موراتوري جاريالانعانى بەلگىلى. بۇل باستاما 2017-EXPO كورمەسىنە كەلۋشىلەر ءۇشىن ۇلكەن سىي بولعالى وتىر.
«بۇل جۇمىستى بۇگىننەن باستاساق، 2017-جىلعا قاراي كورمەگە كەلۋشىلەر شۋچينسك كولىندە جۇزەتىن ءسىبىر بەكىرەسىن ءدال استانا تۇبىندە كورگەندە تاڭقالماي قالماس»، - دەيدى عالىموۆ.
كاسىپكەردىڭ ايتۋىنشا، سولتۇستىك قازاقستان ءوڭىرى بەكىرەنىڭ ءوسىپ-جەتىلۋى ءۇشىن قولايسىز ايماق سانالىپ كەلگەن. «بۇعان دەيىن بالىقتىڭ بۇل ءتۇرى بۇل ايماقتا تىرشىلىك ەتە المايتىنداي كورىنەتىن. ال ءبىز بالىقتىڭ بۇل ءتۇرىن وسىرە الدىق. يحتيولوگتار بەكىرەنىڭ ەسىلدە جەرسىنىپ كەتەتىنىنە سەندىرىپ وتىر»، - دەدى عالىموۆ.
استانا ماڭىنان بەكىرە وسىرۋگە استانالىق شەنەۋنىكتەر قازىردىڭ وزىندە قىزىعۋشىلىق تانىتۋدا. «مۇنى تەك باستاماسى دەپ ۇققان ءجون. الداعى 5-10 جىلدا سولتۇستىك وبلىستار بالىقتىڭ مول ءونىمىن الاتىن ايماققا اينالىپ، ىشكى نارىقپەن قاتار، ءونىم تۇرلەرىن شەت ەلدەرگە دە شىعاراتىن بولادى»، - دەدى «قازاگرو» ا ق باسقارما ءتوراعاسىنىڭ ورىنباسارى قايرات ايتۋعانوۆ.
ماماندار ەگەر مەملەكەت تاراپىنان قولداۋ كورسەتىلەتىن بولسا وندا بەكىرە بالىعىن ەسىل مەن ەرتىستە دە، باسقا دا وزەن-كولدەردە وسىرۋگە بەك بولادى.
