امەريكا ەلشىسى قازاقستانعا بىرنەشە كەڭەس بەردى

«ءبىرىنشى كەڭەس - ەكونوميكاداعى مەملەكەت ءرولىنىڭ ماڭىزدى ازايۋىنا ەرەكشە كوڭىل اۋدارۋ. بۇل قازىر قۇندى قاعازداردىڭ جوقتىعىنان زارداپ شەگىپ وتىرعان كاپيتال نارىعىن قالىپتاستىرۋ ءۇشىن ماڭىزدى. ەكىنشى كەڭەس - شاعىن جانە ورتا بيزنەستى دامىتۋ جانە قىزمەت كورسەتۋ سالاسى مەن «سامۇرىق-قازىنا» ۇلتتىق ءال-اۋقات قورى حولدينگىنە كىرمەيتىن كومپانيالاردى قولداۋ»، - دەدى امەريكالىق ەلشى «قازاقستان-2050» ستراتەگياسىن ىسكە اسىرۋ مەن قازاقستان رەسپۋبليكاسىنىڭ حالىقارالىق قوعامداستىقتاعى ءرولى» اتتى دوڭگەلەك ۇستەلدە.

«تاعى ءبىر جايت: سىزدەر ۇكىمەتتە قايتا جاساقتاۋ جۇرگىزدىڭىزدەر، ارينە، بەلگىلى ءبىر وڭ ناتيجە بار. ءبىراق قازىر ۇكىمەت ءوزىن مەيلىنشە ءتيىمدى كورسەتە ءبىلۋى ءتيىس، مەيلىنشە ءتيىمدى، جىلدام جۇمىس جۇرگىزە ءبىلۋى ءتيىس. شاپشاڭدىق - باسەكەلەستىگى جوعارى الەمدە باسەكەگە قابىلەتتى بولۋدىڭ كىلتى»، - دەدى وردۆەي.

ول «دەموكراتيالىق ينستيتۋتتاردى كەزەڭ-كەزەڭمەن دامىتۋ» تۋرالى دا كەڭەس بەردى. «جۋىردا مەن پرەزيدەنت نازاربايەۆتىڭ ەركىن نارىقتىڭ ەركىن قوعامسىز دامىمايتىنىن ايتقانىن ەستىدىم. ەگەر ءبىز 2050-جىلعا دەيىنگى كەزەڭدى قاراستىرىپ وتىرساق، بۇلار - تۇراقتى، بولجاۋعا بولاتىن، ۇزاق مەرزىمدى دامۋ مەن گۇلدەنۋدىڭ ابسوليۋتتى العىشارتتارى»، - دەدى ديپلومات.

وردۆەيدىڭ ايتۋىنشا، تاعى شەشۋشى سپەكتر - اگروونەركاسىپ كەشەنىن دامىتۋ. ول مۇنى الداعى 20 جىل ىشىندەگى ەڭ ماڭىزدى مىندەت سانايدى.

ەلشى ا ق ش-تىڭ قازاقستانداعى مەملەكەتتىك بيلىكتى ورتالىقسىزداندىرۋ جونىندەگى جۇمىستى جاقسى باعالايتىنىن ايتتى. سونىمەن بىرگە، ول قازاقستاننىڭ بۇكىل الەمدىك ساۋدا ۇيىمىنا قوسىلۋدىڭ سوڭعى كەزەڭىندە تۇرعانىن دا جەتكىزدى. وردۆەيدىڭ ايتۋىنشا، بۇل باعىتتاعى كۇردەلى اسپەكتىلەردڭ ءبارى وسى جىلدىڭ سوڭىنا دەيىن شەشىلەدى.

«ءبىز قازاقستاندى ەكونوميكاسى ءارتاراپتانعان ەل رەتىندە كورگىمىز كەلەدى، ءبىراق ءبىز مۇناي ءوندىرۋ سەكتورىن شەتەلدىك كومپانيالاردىڭ از ينۆەستيتسيالاپ جاتقانىن تۇسىنەمىز. سوندىقتان شيكىزاتتىق ەمەس سالاعا ينۆەستيتسيا تارتۋدى جانداندىرۋ جونىندەگى شارالار مەن باستامالارعا مونيتورينگ جۇرگىزۋ قاجەت. ەگەر ولار جەتكىلىكسىز بولسا، ينۆەستيتسيالار كولەمىن ۇلعايتۋ ءۇشىن نە ىستەۋگە بولاتىنىن قاراستىرۋ كەرەك»، - دەدى ا ق ش ىستەرىنىڭ ۋاقىتشا سەنىمدى وكىلى.

ول ءوز سوزىندە امەريكالىق كومپانيالاردىڭ قازاقستانعا وزگە شەتەلدىكتەردەن بۇرىن كەلگەنىن ەسكە سالدى. «ءبىز قازاقستانداعى ەڭ ءىرى ينۆەستور بولىپ قالا بەرمەكپىز. ءبىز قازاقستاندا تۇراقتىلىقتى، بوستاندىقتى دامىتۋداعى مۇددەمىز ورتاق دەپ ەسەپتەيمىز»، - دەدى سپيكەر.

اۆتور: رەنات تاشقىنبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى