قىدىرالى بولمانوۆ «بالبالا» باتارەياسىنىڭ ارتىقشىلىقتارىن ايتىپ بەردى

ونىڭ مالىمدەگەنىندەي، «بالبالا» باتارەياسىنىڭ باسەكەلەستەرىنەن وق بويى وزىق تۇراتىنداي بىرنەشە ارتىقشىلىقتارى بار. كولەمى ءارتۇرلى باتارەيالاردى كەز-كەلگەن ەلەكتروندىق قۇرالعا سالۋعا بولادى.

«ءبىزدىڭ ءونىم نارىقتا نەسىمەن قىزىقتى بولادى؟ بىرىنشىدەن، باتارەيا قۇرامىندا كادميي مەن سىناپ جوق. ياعني، ادام دەنساۋلىعىنا قاۋىپ تۋعىزبايدى. قۋاتتىلىعى قازىرگى قولدانىستاعى باتارەيالاردان ونداعان ەسە ارتىق. +600 دەپ كورسەتىلىپ تۇر.

ەكىنشىدەن، وتاندىق ءونىمنىڭ باعاسى ەكى ەسە ارزان. مىسالى نارىقتا باتارەيالاردىڭ 4 تالى 700-800 تەڭگە تۇرسا، «بالبالا» باتارەياسى 300 تەڭگە تۇراتىن بولادى»، - دەدى ءقىدىرالى بولمانوۆ.

پروديۋسەردىڭ ايتۋىنشا، ءوندىرىس الاڭى قىتايدا ورنالاسقان. ال ءونىمنىڭ نەگە شەتەلدىڭ زاۋىتتا جاسالىپ جاتقانىن ءانشى بىلاي ءتۇسىندىردى.

«قىتايدا جاساۋ بىزگە اناعۇرلىم ءتيىمدى. ءبىرىنشى قازاقستاندا زاۋىتتى سالىپ الىپ، كەيىن ءوندىرىستى باستاۋ، بىلايشا ايتقاندا، اقىماقتىق بولار ەدى. ال، قىتايدا زاۋىت تا، ءوندىرىس تە، جۇمىس كۇشى دە دايىن ءارى ارزان. نەبىر الەمدىك برەندتەر سولاي جاسايدى»، - دەدى ق. بولمانوۆ.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى