يتتەر جارىسىندا قازاقى تازى توپ جاردى
30 عا جۋىق ءيت بايكدجورينگ سايىسى بويىنشا سىنعا ءتۇستى.
بۇل ويىندا ۆەلوسيپەدكە يەسى وتىرادى، ال ءيت جەگىلەدى. ءسويتىپ مارە سىزىعىنا ءبىرىنشى بولىپ كەلۋگە تىرىسادى. ءيتتى جەتى قازىنانىڭ ءبىرى دەپ قادىرلەيتىن قالىڭ جۇرت شاحتينسك قالاسىنىڭ ماڭىنا جينالىپ، ءتورت اياقتىلاردىڭ دوداسىن تاماشالادى.
شاراعا نەمىس وۆچاركاسى مەن حاسكي تۇقىمداس يتتەر، قازاقى تازى دا قاتىستى. شاحتينسك قالاسىندا قىستىگۇنى ءيتتى شاناعا جەگىپ جارىس وتكىزىلەدى. ۇيىمداستىرۋشىلار ەندى جازعى جارىستار وسىدان باستاۋ الىپ، داستۇرگە اينالعاندىعىن قالايدى. سايىستىڭ باس جۇلدەسىن باسار اتتى قازاقى تازى مەن ونىڭ يەسى رامازان ۇسەيەۆ جەڭىپ الدى.
- بەس تازىم بار، ونىڭ ۇشەۋى ۇرعاشى، ەكەۋى ارلان. بىلتىر استاناعا باردىق، وسكەمەندە بولدىق . الماتىعا بىرنەشە رەت بارىپ، بارلىعىندا جۇلدەلى ورىن الدىق، - دەيدى بايقاۋ جەڭىمپازى رامازان ۇسەيەۆ.
