استانادا «قازاق قىزى» مادەني-يناباتتىلىق قىزدار ينستيتۋتى اشىلادى
بۇل تۋرالى «قازاق قىزى» قوعامدىق بىرلەستىگىنىڭ باسپا ءسوز قىزمەتى حابارلادى.
وقۋ-تاربيەلىك ينستيتۋتىنىڭ ماقساتى - قازاقستاندى دەموكراتيالىق، الەۋمەتتىك - ەكونوميكالىق، مادەني جانە ۇلتتىق وزىندىك تۇرعىدا دامىعان مەملەكەت رەتىندە كەيىپتەيتىن قىزداردى وزىق ۇلگىدەگى قازاقي جانە ەۋروپالىق قوعامدىق - يناباتتىق داستۇردە تاربيەلەۋگە باعىتتالعان تاربيەلىك قىزمەتتى جۇزەگە اسىرۋ.
اشىلۋ سالتاناتىنا كورنەكتى قوعام، ساياسات قايراتكەرلەرى پارلامەنت ءماجىلىسىنىڭ ۆيتسە-سپيكەرى داريعا نازاربايەۆا، استانا قالاسىنىڭ اكىمى يمانعالي تاسماعامبەتوۆ، ق ر پارلامەنتى ءماجىلىسىنىڭ الەۋمەتتىك-مادەني دامۋ كوميتەتىنىڭ ءتورايىمى گۇلنار ىقسانوۆا، ق ر پارلامەنتى ءماجىلىسىنىڭ دەپۋتاتى زاعيپا باليەۆا، ق ر پارلامەنتى سەنات دەپۋتاتى ءبىرعانىم ءايتىموۆا، ق ر پرەزيدەنتى جانىنداعى وتباسى-دەموگرافيالىق ساياسات جانە ايەلدەر ءىسى جونىندەگى ۇلتتىق كوميسسيا ءتورايىمى ماحاببات بەكبوسىنوۆا، قازاقستان جازۋشىلار وداعىنىڭ ءتوراعاسى، ق ر پارلامەنتى سەناتىنىڭ دەپۋتاتى نۇرلان ورازالين جانە تاعى باسقالار قاتىسادى.
اتاپ ءوتۋ كەرەك، «قازاق قىزى» جوباسى «قازاقستان-2050» ستراتەگياسىنا قازاق مادەنيەتى مەن ءداستۇرلى يناباتتىق نورمالار مەن ۇستانىمداردى، ادەت-عۇرىپ پەن وتباسىلىق داستۇرلەردى جاڭعىرتۋدى ناسيحاتتاۋعا باعىتتالعان.
ەلباسى الدىمىزعا قويعان ءوسىپ كەلە جاتقان ۇرپاعىمىزدىڭ مادەنيەتى، تاربيە مەن ءبىلىمىن دامىتۋ جانە گەندەرلىك تەڭدىك جونىندەگى تاپسىرمالارىن ورىنداۋ ماقساتىندا جوبانى ق ر پرەزيدەنتى جانىنداعى وتباسى-دەموگرافيالىق ساياسات جانە ايەلدەر ءىسى جونىندەگى ۇلتتىق كوميسسيا، «نۇر وتان» پارتياسى، استانا قالاسى اكىمدىگى، «دامۋ» كاسىپكەرلىكتى دامىتۋ فوندى قولدادى.
مادەني-يناباتتىق قىزدار ينستيتۋتىن قۇرۋ، ونىڭ تۇجىرىمدالىق، يدەولوگيالىق، ءادىسنامالىق مازمۇنىنىڭ جاسالىمى ميسسياسى قازاق قىزدارىنىڭ مارتەبەسى مەن جوعارى بەدەل-بەينەسىن قازىرگى وركەنيەتتى-مادەني كەڭىستىكتە ورىستەتۋگە جاردەم بەرۋ بولىپ سانالاتىن «قازاق قىزى» قوعامدىق بىرلەستىگى قىزمەتى باعىتتارىنىڭ ءبىرى بولىپ تابىلادى.
